Vadodara News:વડોદરા જિલ્લાના પાદરા તાલુકામાં આવેલા જંબુસર હાઈવે રોડ પર મહેલી તલાવડી પાસે એક યુવકની સનસનાટીભરી હત્યા થઈ છે. મૃતક યુવકનું નામ રાણાભાઈ ચાવડા છે. આ ઘટના મોડી રાત્રે બની હતી, જ્યારે યુવક ઘરની બહાર સૂતો હતો અને પરિવાર અંદર આરામ કરી રહ્યો હતો.પોલીસને (Police) મળેલી પ્રાથમિક માહિતી અનુસાર, અજાણ્યા હત્યારાએ ઉંઘતા યુવક પર તીક્ષ્ણ હથિયારથી અનેક ઘા મારીને તેની હત્યા કરી નાખી છે. હુમલો એટલો ઘાતકી હતો કે યુવકને બચવાની કોઈ તક જ ન મળી. ઘટના બાદ હત્યારો તાત્કાલિક ફરાર થઈ ગયો છે.
વડોદરાના પાદરા-જંબુસર હાઈવે પર યુવકની હત્યા
વડોદરાના (Vadodara) પાદરા-જંબુસર હાઈવે રોડ પર મહેલી તલાવડી પાસે મોડી રાત્રે રાણા ચાવડા સાથે આ ઘટના બની હતી. સ્થાનિકોને સવારે યુવકનો મૃતદેહ જોવા મળતાં ચકચાર મચી જવા પામી હતી. પરિવારજનોમાં શોકનું મોજું ફરી વળ્યું છે. પરિવારે જણાવ્યું કે યુવક ઘરની બહાર સૂતો હતો, જ્યારે તેઓ અંદર હતા. આ કારણે હુમલાનો અવાજ કોઈને સંભળાયો નહીં.પાદરા પોલીસ સ્ટેશને ઘટના સ્થળે પહોંચીને તાત્કાલિક તપાસ શરૂ કરી દીધી છે. પોલીસે હત્યાનો ગુનો નોંધીને આગળની કાર્યવાહી હાથ ધરી છે.
