Vadodara News:વડોદરા શહેરના એક વ્યસ્ત ટ્રાફિક સિગ્નલ પર એક અત્યંત શરમજનક અને અસભ્ય ઘટના બની છે, જેણે સમગ્ર વડોદરા (vadodara) ને હચમચાવી દીધું છે. ટ્રાફિકમાં ઊભેલા વાહનોની વચ્ચે એક બાઈક ચાલક યુવકે જાહેરમાં લઘુશંકા કરીને અશ્લીલ પ્રદર્શન કર્યું હતું. આ ઘટનાનો વીડિયો સોશિયલ મીડિયા પર વાયરલ (Viral video) થયા બાદ લોકોમાં ભારે આક્રોશ વ્યાપ્યો છે.વડોદરા પોલીસે ત્વરિત કાર્યવાહી કરીને આરોપી યુવક ગણેશ દિનકરની ધરપકડ કરી છે અને તેને જાહેરમાં ઉઠક-બેઠક કરાવીને કડક પાઠ ભણાવ્યો છે.
લઘુશંકા કર્યા બાદ કરી અશ્લીલ હરકતો
આ ઘટના વડોદરાના (Vadodara) મુખ્ય વ્યસ્ત વિસ્તારમાં બનેલા ટ્રાફિક સિગ્નલ (Traffic signal) પર બની હતી, જ્યાં હજારો વાહનો અને લોકોની અવરજવર રહે છે. આરોપી ગણેશ દિનકર,ટ્રાફિકમાં અટવાયા બાદ અચાનક જ તેની બાઈક પરથી ઉતરીને જાહેરમાં લઘુશંકા કરી અશ્લીલ હરકતો કરવા લાગ્યો હતો.
આ દરમિયાન આસપાસના વાહન ચાલકોએ જોઈને તાત્કાલિક વિરોધ વ્યક્ત કર્યો હતો.ત્યારબાદ આ ઘટનાનો વીડિયો સોશિયલ મીડિયા પર વાયરલ (Viral video) થયો હતો .તપાસમાં જાણવા મળ્યું છે કે ગણેશ દિનકર દારૂના નશામાં ધૂત હતો અને તેને પોતાની હરકતનું કોઈ ભાન નહોતું. પોલીસ અધિકારીઓ મુજબ, આવી ઘટનાઓ શહેરની જાહેર વ્યવસ્થા અને શિષ્ટાચારને નુકસાન પહોંચાડે છે, ખાસ કરીને જ્યારે તે વ્યસ્ત વિસ્તારમાં બને ત્યારે. આ ઘટના બપોરના સમયે બની હતી, જ્યારે ટ્રાફિકની ભીડ સૌથી વધુ હોય છે.વીડિયો વાયરલ (Viral video) થતાં જ વડોદરા પોલીસને આ અંગે માહિતી મળી અને તેઓએ તાત્કાલિક પગલાં લીધાં હતા. આરોપી ગણેશ દિનકરને ઓળખીને તેની ધરપકડ કરવામાં આવી હતી.
