Viral Video Kerala: કેરળની શેરીઓનો એક વીડિયો સોશિયલ મીડિયા પર ધૂમ મચાવી રહ્યો છે. આ વીડિયોની ખાસ વાત એ છે કે સાડી પહેરેલી એક છોકરી શાનદાર સ્કેટિંગ કરતી જોવા મળી રહી છે. આ વીડિયોની એક સુંદર વાત એ છે કે રસ્તા પર વાહનો દોડી રહ્યા છે અને રસ્તાની આજુબાજુ લીલાછમ વૃક્ષો અને છોડ પણ દેખાય છે.
આ વીડિયો કેરળનો છે. આ વીડિયો લારિસા નામના યુઝરે ઈન્સ્ટાગ્રામ પર શેર કર્યો છે અને ખાસ વાત એ છે કે લારિસા પોતે સ્કેટિંગ કરતી જોવા મળી રહી છે. વીડિયોમાં લારિસા સફેદ સાડી પહેરીને સોશિયલ મીડિયા પર બધાનું દિલ જીતી રહી છે. લારિસાએ આ વીડિયો કેરળમાં શૂટ કર્યો છે. વીડિયોમાં તે સ્કેટિંગ કરતી વખતે વાહન ચલાવતા લોકો સાથે વાત કરતી જોવા મળે છે.
https://www.instagram.com/reel/CeWJYUhqctl/?utm_source=ig_web_copy_link
વીડિયો શેર કરતા લારિસાએ લખ્યું કે જ્યારે મેં આ કર્યું ત્યારે મારી પાસે ઘણા બધા લોકો એકઠા થયા હતા, જેમાંથી કેટલાકે સેલ્ફી પણ લીધી હતી. બહુ મજા આવી પણ હું કહેવા માંગુ છું કે સાડી પહેરીને સ્કેટિંગ કરવું સહેલું નથી. આ પછી તેણે આ વીડિયો શેર કરતાની સાથે જ તે વાયરલ થઈ ગયો.
આ વીડિયો પર લોકો મિશ્ર પ્રતિક્રિયા આપી રહ્યા છે. જોકે મોટાભાગના લોકોને આ વીડિયો પસંદ આવી રહ્યો છે. કેટલાક યુઝર્સે કહ્યું કે તે હૃદયસ્પર્શી છે અને કેટલાકે કહ્યું કે તે એક કૌશલ્ય પણ છે જે દરેક વ્યક્તિ માટે નથી.
આ પણ વાંચો: નિર્ણય/ વાહન અને મોબાઈલ ચોરીની ફરિયાદ માટે હવે પોલીસ સ્ટેશન જવું પડશે નહિ : જાણો કેવી રીતે નોંધાવશો કમ્પ્લેઇન
