ગૂગલે પોતાની નવી સેવા ભારતમાં લોન્ચ કરી છે. Google One નામની આ સેવા લોન્ચ કરવામાં આવી છે.
આ સર્વિસમાં Google Photos, Gmail અને Google Drive જેવી એપમાં ૧૦૦ જીબી થી ૩ ટીબી સુધીના પ્લાન જે કલાઉડ સ્ટોરેજ માટે બનાવવામાં આવ્યા છે.
ગૂગલ કંપનીએ જણાવ્યું છે કે ભારતમાં ૧૦૦ જીબી, ૨ ટીબી અને ૩૦ ટીબીનાં પ્લાન આપવામાં આવશે. આ પ્લાનની કિમત ૧૦૦ જીબી માટે ૧૩૦ રૂપિયા પ્રતિ મહિનો, ૨ ટીબી માટે ૬૫૦ રૂપિયા પ્રતિ મહિનો અને ૩૦ ટીબી માટે ૧૯,૫૦૦ રૂપિયા પ્રતિ મહિનો રાખવામાં આવી છે.
ઉલ્લેખનીય છે કે આ સર્વિસના લીધે ગૂગલના કોર્પોરેટ એકાઉન્ટને કોઈ અસર નહિ થાય.
આ સર્વિસને ધીમે –ધીમે દુનિયાભરમાં લાગુ પાડવામાં આવશે. ભારતમાં આ સર્વિસ હમણાં જ લોન્ચ કરવામાં આવી છે જયારે અમેરિકામાં આ સર્વિસ ઓગસ્ટ મહિનામાં જ લોન્ચ કરવામાં આવી હતી.
ગૂગલે આ સર્વિસમાં ફેમીલી પ્લાનનો પણ સમાવેશ કર્યો છે જેમાં એક યુઝર તેનો સ્ટોરેજ પ્લાન તેના પરિવારના બીજા ૫ મેમ્બર સાથે શેર કરી શકશે.