Sports News: 14 જાન્યુઆરીના રોજ જાહેર થયેલા ICC રેન્કિંગ મુજબ વિરાટ કોહલી (Virat Kohli) ફરી એક વખત ODI ક્રિકેટમાં નંબર-વન બેટ્સમેન બન્યો છે. ન્યૂઝીલેન્ડ સામેની પહેલી ODIમાં તેણે 93 રનની ઉત્તમ ઇનિંગ રમીને ટોચનું સ્થાન મેળવ્યું હતું.
જોકે, માત્ર 24 કલાકમાં જ ન્યૂઝીલેન્ડના ડેરિલ મિશેલે આ સ્થાન પર પોતાનો દાવેદીરી રજૂ કરી છે. હકીકતમાં, મિશેલ પણ ICC રેન્કિંગમાં એક પગથિયો આગળ વધ્યો છે અને કોહલીની બરાબરી કરી છે. આ બંને બેટ્સમેનોએ રોહિત શર્માને પાછળ મૂકી ટોપ-2માં સ્થાન બનાવ્યું છે. પહેલી ODIમાં મિશેલે ભારત સામે 84 રનની દમદાર ઇનિંગ રમી હતી.
ICCની વનડે બેટિંગ રેન્કિંગમાં વિરાટ કોહલી (Virat Kohli) 785 પોઇન્ટ સાથે નંબર-1 સ્થાને છે, જ્યારે ન્યૂઝીલેન્ડના ડેરિલ મિશેલ 784 પોઇન્ટ સાથે બીજા ક્રમે છે. રોહિત શર્મા 775 પોઇન્ટ સાથે ત્રીજા સ્થાન પર પહોંચી ગયો છે.
મિશેલની 131 રનની પારી, વિરાટ કોહલી (Virat Kohli) નું નંબર-1 સ્થાન જોખમમાં
ભારત સામેની બીજી વનડે મેચમાં ડેરિલ મિશેલે 131 રનની શાનદાર અણનમ પારી રમી હતી, જેના કારણે કિવી ટીમે ભારતને 7 વિકેટથી પરાજય આપ્યો હતો. મિશેલની આ પ્રભાવશાળી ઇનિંગ આગામી અઠવાડિયે જાહેર થનારી નવીનતમ રેન્કિંગમાં વિરાટ કોહલી (Virat Kohli) નું ટોચનું સ્થાન છીનવી શકે તેવી શક્યતા છે.
ભારત અને ન્યૂઝીલેન્ડ વચ્ચેની ત્રીજી તથા અંતિમ વનડે મેચ 18 જાન્યુઆરી, રવિવારે યોજાશે. જો આ મુકાબલામાં વિરાટ કોહલી (Virat Kohli) ડેરિલ મિશેલ કરતાં ઉત્તમ પ્રદર્શન કરે, તો તેની અસર ICC રેન્કિંગમાં પણ જોવા મળશે.
રોહિત માટે અંતિમ તક
પહેલી બે વનડે મેચમાં ખાસ અસર છોડી ન શકનાર રોહિત શર્મા માટે ત્રીજી અને અંતિમ વનડે પોતાનું શ્રેષ્ઠ પ્રદર્શન બતાવવાની અંતિમ તક રહેશે. જો રોહિત આ મેચમાં ભારતને વિજય તરફ લઈ જાય છે, તો તેને ICC રેન્કિંગમાં પણ લાભ થવાની સંભાવના છે.
વિરાટ કોહલી (Virat Kohli) અને રોહિત શર્મા સિવાય ટોપ-૫માં એક અન્ય ભારતીય તરીકે કેપ્ટન શુભમન ગિલનો સમાવેશ થાય છે. 725 રેટિંગ સાથે ગિલ હાલમાં પાંચમા ક્રમે છે. ન્યૂઝીલેન્ડ સામેની બીજી વનડેમાં તેણે 56 રનની મહત્વપૂર્ણ અડધી સદી નોંધાવી હતી, જેના કારણે તેના રેન્કિંગમાં સુધારાની શક્યતા વધી છે.
જો ગિલ ત્રીજી વનડેમાં પણ ખાસ પ્રદર્શન કરે છે, તો તે ટોપ-4 અથવા ટોપ-3માં પહોંચી શકે છે. આ વચ્ચે અફઘાનિસ્તાનનો બેટ્સમેન ઇબ્રાહિમ ઝદરાન 764 રેટિંગ સાથે ચોથા સ્થાને સ્થિર છે.
