old pension scheme: છેલ્લી કેટલીક વિધાનસભા ચૂંટણીઓમાં ઓલ્ડ પેન્શન સ્કીમ (OPS)નો મુદ્દો ઘણો સામે આવ્યો છે. હિમાચલ પ્રદેશમાં કોંગ્રેસની જીત પાછળના તમામ કારણોમાં જૂની પેન્શન યોજના (OPS) પણ સામેલ હતી. છત્તીસગઢ, રાજસ્થાનમાં તેને લાગુ કર્યા બાદ કોંગ્રેસ હવે હિમાચલ પ્રદેશમાં તેને લાગુ કરવા જઈ રહી છે. હિમાચલ પ્રદેશના નવા મુખ્યમંત્રી સુખવિંદર સિંહ સુખુએ તાજેતરમાં દાવો કર્યો હતો કે OPSને પ્રથમ કેબિનેટ બેઠકમાં મંજૂરી આપવામાં આવશે. ઘણા રાજ્યોમાં OPSનો મુદ્દો બન્યા બાદ કેન્દ્ર સરકાર પાસે પણ તેને લાગુ કરવાની માંગ કરવામાં આવી રહી છે. આ સાથે જ આને લગતો એક મેસેજ પણ વાયરલ થઈ રહ્યો છે.
સોશિયલ મીડિયા પર વાયરલ થઈ રહેલા એક દાવામાં જણાવવામાં આવ્યું છે કે કેન્દ્ર સરકાર નવી પેન્શન સ્કીમ (NPS)ને રદ કરીને જૂની પેન્શન સ્કીમ (OPS) લાગુ કરી શકે છે. સોશિયલ મીડિયા પર એક ચેનલને ટાંકીને આ સમાચાર જણાવવામાં આવ્યા છે. એડિટ કરેલા ફોટામાં એવું પણ લખવામાં આવ્યું છે કે પીએમ મોદીનો બીજો માસ્ટરસ્ટ્રોક.
સોશિયલ મીડિયા પર આ મેસેજ વાયરલ થયા બાદ હવે PIB ફેક્ટ ચેકે તેનું સત્ય જણાવ્યું છે. તથ્ય તપાસ બાદ જણાવવામાં આવ્યું છે કે વાયરલ દાવામાં કેટલી સત્યતા છે. કેન્દ્ર સરકાર દ્વારા જૂની પેન્શન યોજના લાગુ કરવાના દાવાને ફગાવી દેવામાં આવ્યો છે. PIB ફેક્ટ ચેકે ટ્વિટ કર્યું છે કે કેન્દ્રીય કર્મચારીઓ માટે જૂની પેન્શન યોજનાને પુનર્જીવિત કરવાનો કોઈ પ્રસ્તાવ નથી. PIB ફેક્ટ ચેક દ્વારા આ વાયરલ દાવાને ભ્રામક ગણાવ્યો છે. એટલે કે કેન્દ્ર સરકાર હાલ જૂની પેન્શન યોજના લાગુ કરવા જઈ રહી નથી. સોશિયલ મીડિયા પર વાયરલ થઈ રહેલા OPSના અમલીકરણના દાવા ખોટા સાબિત થયા છે.
આ પણ વાંચો: માંગ/આ મુખ્યમંત્રીએ સદીના મહાનાયક અમિતાભ બચ્ચનને ભારત રત્ન મળે તેવી કરી માંગ,જાણો
