તમિલનાડુ સરકાર ‘કલૈગ્નાર મગાલીર ઉરીમાઈ થોગાઈ થિટ્ટમ’ નામની નવી યોજના શરૂ કરવા જઈ રહી છે. આ અંતર્ગત પરિવારની મહિલા વડાને દર મહિને 1000 રૂપિયા આપવામાં આવશે. રિપોર્ટ અનુસાર આ માસિક નાણાકીય સહાય 1.06 કરોડ પાત્ર મહિલા પરિવારના વડાઓને 15 સપ્ટેમ્બરના રોજ આપવામાં આવશે.એવો દાવો કરવામાં આવી રહ્યો છે કે આ સૌથી મોટી સામાજિક કલ્યાણ યોજના હશે. રાજ્યના મુખ્ય પ્રધાન એમકે સ્ટાલિને સોમવારે જણાવ્યું હતું કે આ રકમ લાભાર્થીઓના બેંક ખાતામાં સીધી ટ્રાન્સફર કરવામાં આવશે. આ ઉપરાંત આ રકમ ઉપાડવા માટે મહિલાઓને એટીએમ કાર્ડ આપવામાં આવશે.
આ યોજના પૂર્વ મુખ્યમંત્રી સીએન અન્નાદુરાઈની જન્મજયંતિ પર શરૂ થવાની છે. મુખ્યમંત્રી સ્ટાલિને આજે આ યોજનાની ઓનલાઈન સમીક્ષા કરી હતી. આ દરમિયાન તેમણે મુખ્ય સચિવ શિવ દાસ મીણાને તેના અમલીકરણ પર દેખરેખ રાખવા જિલ્લા મેજિસ્ટ્રેટને સૂચના આપવા કહ્યું. લાભાર્થીઓને મોબાઈલ ફોન પર મેસેજ મોકલીને માહિતી આપવામાં આવશે. મુખ્યમંત્રી દ્વારા જારી કરાયેલા એક નિવેદનમાં કહેવામાં આવ્યું છે કે, ‘આ યોજના હેઠળ લગભગ 1.63 કરોડ અરજીઓ મળી હતી, જેમાંથી કુલ 1.06 કરોડ સ્વીકારવામાં આવી છે.’
વરસાદ/ઉત્તરપ્રદેશમાં મૂશળધાર વરસાદથી ભારે તારાજી,બે ભાઇઓ સહિત 19 લોકોના મોત
