દેશમાં હાલમાં પણ સમાજની પંચાયતો કે જેને ખાપ પંચાયત તરીકે આપણે ઓળખીએ છીએ તેમણે લગ્ન માટે એક ફરમાન જાહેર કર્યો છે, જો વરરાજા જો આ નિયમને અનુસરશે નહી તો લગ્ન માટે મુશ્કેલી સર્જાશે,ચાલો જાણીએ એ કર્યો નિયંમ છે. રાજસ્થાનના પાલી જિલ્લામાં કુમાવત સમાજના પંચોએ લગ્ન માટે આશ્ચર્યજનક નિયમો બહાર પાડ્યા છે, જેમાં વરરાજાની દાઢીને લઈને આપવામાં આવેલા આદેશે બધાનું ધ્યાન ખેંચ્યું છે. જિલ્લાના 19 ગામોના પ્રતિનિધિઓએ એક બેઠકમાં નવા નિયમોનો ઠરાવ પસાર કર્યો હતો,
જે મુજબ ગામના કોઈપણ પરિવારમાં લગ્નની વિધિમાં વરરાજાને ક્લીન શેવ કરાવવું ફરજિયાત રહેશે. પ્રસ્તાવ મુજબ, જો વર દાઢી રાખીને લગ્નમાં બેસે છે, તો તે પરિક્રમા કરી શકશે નહીં. પ્રાપ્ત માહિતી અનુસાર, કુમાવત સમાજના પાલીમાં જૂના બસ સ્ટેન્ડ સ્થિત મારુ કુંભારના બગીચામાં મળેલી બેઠકમાં આ નિર્ણય લેવામાં આવ્યો હતો. સભામાં સમાજના લોકો દ્વારા સ્પષ્ટપણે કહેવામાં આવ્યું હતું કે લગ્ન એ એક સંસ્કાર છે અને તેમાં વરરાજાને રાજા તરીકે જોવામાં આવે છે, આવી સ્થિતિમાં વરરાજા અનેક રીતે દાઢી વધારીને વિધિ કરે છે.
સમાજના લોકોએ કહ્યું કે અમને લગ્ન દરમિયાન ફેશનથી કોઈ વાંધો નથી, પરંતુ આ રીતે લગ્ન કરવું સમાજને સ્વીકાર્ય નહીં હોય. બેઠકમાં તમામ ગામોના પ્રતિનિધિઓએ તાળીઓના ગડગડાટ સાથે ઠરાવ પસાર કર્યો હતો.
સમાજની મીટીંગમાં લગ્નને લઈને અન્ય ઘણા નિયમો પર મોહર લાગી હતી. સભામાં પસાર થયેલા ઠરાવ મુજબ હવે તમે લગ્નમાં ડીજે લાવીને ઘરે પણ વગાડી શકો છો, પરંતુ ડીજે સાથે કન્યાની બિંદોળી બહાર કાઢી શકાશે નહીં. આ ઉપરાંત સગાઈ અને અન્ય ધાર્મિક વિધિઓમાં કન્યાના વસ્ત્રો સાથે વધુમાં વધુ 2 તોલા સોનું, 2 જોડી ચાંદીની લાકડીઓ અને ચાંદીના કંદોરા આપી શકાય છે. બીજી તરફ માયરે અંગે સમાજનું કહેવું છે કે વધુમાં વધુ 5 તોલા સોનું, અડધો કિલો ચાંદી અને 51 હજાર રૂપિયા રોકડમાં આપી શકાય છે.અત્રે ઉલ્લેખનીય છે કે મીટીંગ પર કડક સૂચના સાથે પ્રતિબંધ મુકવામાં આવ્યો છે કે મીટીંગમાં ભાગ લેનાર 19 ગામોના લોકો પછી ભલે તે દેશના કોઈપણ ખૂણામાં રહેતા હોય, આ નિયમોનું પાલન કરવાનું રહેશે.