સુરતમાં બાળકોની સામે માતાએ પોતે જ ગળેફાંસો ખાઈ આપઘાત કરી લીધો હોવાની ઘટના સામે અવી છે. આપઘાત કરતા પહેલા તેણે સ્યુસાઇડ નોટ પણ લખી હતી. જેમાં સાસરિયાઓ દ્વારા માનસિક અને શારિરીક રીતે ત્રાસ આપવાનો આરોપ લગાવવામાં આવ્યો છે.
મળતી માહિતી મુજબ, સુરતના વરાછા વિસ્તારમાં પરણિતાએ તેના બે બાળકોની સામે જ ગળેફાંસો ખાઈ આપઘાત કર્યો હતો. 32 વર્ષની રીના બેને આત્મહત્યા કરતા પહેલા સુસાઇડ નોટ પણ લખી છે. જેમાં તેણે ઉલ્લેખ કર્યો છે કે આત્મહત્યા માટે તે પોતે જ જવાબદાર છે. દરમિયાન, મહિલાના પરિવારના સભ્યોએ આરોપ લગાવ્યો હતો કે તેની સાસુ-સસરાની ક્રૂરતાને કારણે તેમની પુત્રીએ આત્મહત્યા કરી છે.
વરાછા પોલીસે જણાવ્યું હતું કે મહિલાનો પતિ ઉજ્જવલ સાવલીયા દલાલ તરીકે કામ કરે છે. બે દિવસ પહેલા બંને વચ્ચે ઝઘડો થતો હતો. જે બાદ તેની પત્ની રીનાને કંઇક બાબતે દુ:ખ થયું હતું. તેથી તે તેના બે બાળકો સાથે ત્રીજા માળે ગઈ હતી. તેણે રૂમમાં ગળેફાંસો ખાઈ આપઘાત કરી લીધો હતો. પોલીસે જણાવ્યું કે સુસાઇડ નોટ કબજે કરવામાં આવી છે. હાલ કેસ નોંધીને આગળની કાર્યવાહી હાથ ધરી છે.
મૃતક મહિલાના મામાએ આરોપ લગાવ્યો છે કે તેમની પુત્રીને તેના સાસરિયાઓ દ્વારા આત્મહત્યા કરવા માટે મજબૂર કરવામાં આવી હતી. છેલ્લા ઘણા દિવસોથી તેને પજવણી કરતો હતો. ઉજ્જવલ સાવલીયા તેને માનસિક અને શારીરિક રીતે ત્રાસ આપતો હતો. આ અંગે તેણે ફોન પર વાત પણ કરી હતી.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને Facebook, Twitter, Instagram અને YouTube પર પણ લાઇક અને ફોલો કરીશકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “MantavyaNews” ની નવી મોબાઇલ એપ્લિકેશન.
