Ahmedabad News: એડમિશન કમિટી ફોર પ્રોફેશનલ કોર્સિસ (ACPC) એ ગુરુવારે ડિગ્રી એન્જિનિયરિંગ કોર્સમાં પ્રવેશ માટે પ્રોવિઝનલ મેરિટ લિસ્ટ જાહેર કર્યું હતું. સમિતિના નિવેદનમાં 42,646 રજિસ્ટર્ડ વિદ્યાર્થીઓમાંથી 40,406 પ્રોવિઝનલ મેરિટ લિસ્ટમાં સામેલ છે. રજીસ્ટ્રેશન 2 એપ્રિલથી 28 મે દરમિયાન કરવામાં આવ્યું હતું. આમ એન્જિનિયરિંગમાં બધાને પ્રવેશ પછી પણ 22 હજાર બેઠક ખાલી રહેશે.
સૂત્રોએ જણાવ્યું હતું કે રાજ્યમાં લગભગ 64,000 ડિગ્રી એન્જિનિયરિંગ બેઠકો છે અને જો તમામ નોંધાયેલા વિદ્યાર્થીઓને પ્રવેશ આપવામાં આવે તો પણ ઘણી બેઠકો ખાલી રહેશે. ગયા વર્ષે લગભગ 33,000 વિદ્યાર્થીઓએ રજીસ્ટ્રેશન કરાવ્યું હતું. ધોરણ 12 સાયન્સના પરિણામની જાહેરાત પહેલા રજીસ્ટ્રેશન પ્રક્રિયા શરૂ થઈ ગઈ હતી. ઓછા રજીસ્ટ્રેશનને કારણે એડમિશન કમિટીએ સમયમર્યાદા વધારીને 28 મે કરી હતી. તેમ છતાં અત્યાર સુધીમાં માત્ર 42,000 વિદ્યાર્થીઓએ જ રજીસ્ટ્રેશન કરાવ્યું છે. 82.45 ટકા વિદ્યાર્થીઓએ ધોરણ 12 સાયન્સની પરીક્ષા પાસ કરી હતી, નિષ્ણાતોએ વધુ વિદ્યાર્થીઓ રજીસ્ટ્રેશનની અપેક્ષા રાખી હતી.
સમિતિએ જણાવ્યું કે 29,428 છોકરાઓ અને 10,978 છોકરીઓએ મેરિટ લિસ્ટમાં સ્થાન મેળવ્યું છે. 7 થી 10 જૂન દરમિયાન મોક રાઉન્ડ હાથ ધરવામાં આવશે અને 13 જૂને પરિણામ જાહેર કરવામાં આવશે. એડમિશનના પ્રથમ રાઉન્ડ માટે ચોઇસ ફિલિંગ 13 અને 17 જૂનની વચ્ચે હાથ ધરવામાં આવશે અને 20 જૂનના રોજ કોલેજ ફાળવણી કરવામાં આવશે.
આ પણ વાંચો: મહેસાણાના 2 મર્ડર કેસના નાસતા ફરતા આરોપીની ધરપકડ
આ પણ વાંચો: જુનાગઢ NSUI યુવા નેતાના અપહરણ-હત્યાના પ્રયાસના ગુનામાં ગણેશ ગોંડલની ધરપકડ
આ પણ વાંચો: ગુજરાત ભાજપના સાંસદોને આજ સાંજ સુધીમાં દિલ્હી પંહોચવા હાઈકમાન્ડનો આદેશ, તમામ સાંસદો 9 જૂન સુધી રોકાશે