વડા પ્રધાન નરેન્દ્ર મોદી, ગૃહ પ્રધાન અમિત શાહ, માસ્ટર બ્લાસ્ટર સચિન તેંડુલકર, એમએસ ધોની એવા કેટલાક નામ છે જેનો ભારતીય ક્રિકેટ ટીમના મુખ્ય કોચની નોકરી માટે તોફાની તત્વો દ્વારા ઉપયોગ કરવામાં આવ્યો છે. ભારતીય ક્રિકેટ કંટ્રોલ બોર્ડ (BCCI) ને આ પોસ્ટ માટે 3,000 થી વધુ અરજીઓ મળી છે.આમાંની મોટાભાગની અરજીઓ નકલી નામોની છે, જેમાં ભૂતપૂર્વ ક્રિકેટરો અને રાજકારણીઓનો પણ સમાવેશ થાય છે.
ભારતીય ટીમના કોચ પદ માટે અરજી કરવાની અંતિમ તારીખ સોમવાર (27 મે)ના રોજ સમાપ્ત થઈ ગઈ છે. માહિતી અનુસાર, BCCIને તેંડુલકર, ધોની, હરભજન સિંહ, વીરેન્દ્ર સેહવાગ અને અન્ય પૂર્વ ક્રિકેટરોના નામ પર ઘણી અરજીઓ મળી હતી. આ લાંબી યાદીમાં વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ જેવા રાજકારણીઓના નામ પણ સામેલ છે.
ચકાસણી માટે ઘણો સમય જરૂરી છે
13 મેના રોજ, બીસીસીઆઈએ ગૂગલ ફોર્મ્સ પર પોસ્ટ માટે અરજીઓ આમંત્રિત કરી હતી. આ પોસ્ટ માટે મોટી સંખ્યામાં નકલી અરજીઓ મળી હતી. હાલમાં એ સ્પષ્ટ નથી કે બીસીસીઆઈને આ જવાબદારીમાં રસ ધરાવતા કોઈપણ પૂર્વ ક્રિકેટરની કોઈ અરજી મળી છે કે કેમ. આ પહેલીવાર નથી જ્યારે ભારતીય ક્રિકેટ બોર્ડને નકલી અરજદારો સાથે વ્યવહાર કરવો પડ્યો હોય. આ માટે તેમને સ્ક્રુટિનીમાં ઘણો સમય પસાર કરવો પડે છે.
ગત વખતે 5 હજાર અરજીઓ આવી હતી
જ્યારે BCCIએ 2022માં મુખ્ય કોચના પદ માટે અરજીઓ આમંત્રિત કરી હતી, ત્યારે લગભગ 5,000 અરજીઓ મળી હતી. ત્યારે પણ તોફાની તત્વોએ સેલિબ્રિટીના નામનો ઉપયોગ કર્યો હતો. ત્યારપછી બીસીસીઆઈએ અરજી મેઈલ કરવા જણાવ્યું હતું. આ વખતે તેણે ગૂગલ ફોર્મ્સનો ઉપયોગ કર્યો. બીસીસીઆઈના અધિકારીએ કહ્યું, “ગયા વર્ષે પણ બીસીસીઆઈને આવી અરજીઓ મળી હતી. જ્યાં તોફાની તત્વોએ અરજી કરી હતી. આ વખતે પણ વાર્તા અલગ નથી. બીસીસીઆઈ ગૂગલ ફોર્મ પર અરજીઓ માંગવાનું કારણ એ છે કે એક શીટમાં અરજદારોની વિગતો તપાસવી સરળ છે.
આ પણ વાંચો:આજે નહીં પણ કાલે થઈ શકે છે IPL ફાઈનલ, ગત સિઝનમાં પણ બન્યું હતું આવું
આ પણ વાંચો:સનરાઇઝર્સ હૈદરાબાદનો રાજસ્થાનને 36 રને હરાવી ફાઇનલમાં પ્રવેશ
