વલભીપુરમાં ચારો ભરેલો ટ્રક પલટી જતા છ લોકોના કરુણ મોત

દર્દનાક અકસ્માત/ વલભીપુરમાં ચારો ભરેલો ટ્રક પલટી જતા છ લોકોના કરુણ મોત

ભાવનગરના વલભીપુર તાલુકાના મેવાસા ગામ પાસે ઘાસચારો ભરેલો ટ્રક પલટી મારી જતા મોટી દર્ઘટના સર્જાઇ છે. અકસ્માતમાં 6 લોકોના મોત થયા છે.

ભાવનગર: વલ્લભીપુરના મેવાસામાં 6ના મોત
ટ્રક પલટી ખાઇ જતા 6 લોકોના મોત
મૃત્યુ આંક વધવાની શકયતાઓ
12થી વધુ લોકો ગંભીર રૂપે ઘાયલ

ગુજરાત રાજ્યમાં સતત માર્ગ અકસ્માતની ઘટનાઓ સામે આવી રહી છે. ત્યારે આવામાં વધુ એક માર્ગ અકસ્માતની ઘટના સામે આવી છે. ભાવનગરના વલભીપુર તાલુકાના મેવાસા ગામ પાસે ટ્રક પલટી મારી જતાં અકસ્માત સર્જાયો છે.આ અકસ્માતમાં છ લોકોના કરુણ મોત નીપજ્યા છે. હાલ 108 સહિત પોલસની ટીમે બચાવ અને રાહતની કામગીરી હાથ ધરી છે.

આ અંગે મળતી માહિતી અનુસાર, શહેરના વલભીપુરના મેવાસા ગામ પાસે ઘાસચારો ભરેલો ટ્રક અચાનક પલટી મારી ગયો હતો. આ ટ્રક નીચે 12થી 14 લોકો દટાયા હતા. આ અકસ્માતને પગલે રાહદારીઓના ટોળેટોળા એકઠા થઈ ગયા હતા.

ઘટનાની જાણ થતાં જ તાબડતોબ 108ની ટીમ ઘટનાસ્થળે પહોંચી હતી. અને બચાવ અને રાહતની કામગીરી હાથ ધરી હતી. ત્યારે ઇજાગ્રસ્તોને સારવાર માટે ખસેડવામાં આવ્યા આવ્યો છે. ત્યારે આકસ્માતની ઘટનાને લઈ આસપાસના લોકો પણ ઘટના સ્થળે દોડી આવ્યા હતા.