Surat News: સુરતના જહાંગીરપુરા પોલીસ સ્ટેશનના લોકઅપમાંથી આરોપી ફરાર થઈ જવાની ઘટના સામે આવતાં પોલીસ તંત્રમાં દોડધામ મચી (Accused Escapes Lockup) ગઈ હતી. લૂંટ સહિતના ગંભીર (Robbery Case Surat) ગુનાઓમાં પોલીસ રિમાન્ડ પર રહેલો 21 વર્ષીય પ્રદીપ ઉર્ફે જાડિયો જગદીશ પાટીલ 20 ઑક્ટોબરની વહેલી સવારે લોકઅપમાંથી નાસી છૂટ્યો હતો. જોકે, પોલીસે ગણતરીના કલાકોમાં તેને કાપોદરા વિસ્તારમાંથી ફરી ઝડપી પાડ્યો હતો. પોલીસ કસ્ટડીમાંથી આરોપી કેવી રીતે ફરાર થયો તે મુદ્દે હવે સવાલો ઊભા થયા છે.
Accused Escapes Lockup: વહેલી સવારે ચાર મિનિટમાં લોકઅપમાંથી ફરાર
મળતી માહિતી મુજબ, પ્રદીપ ઉર્ફે જાડિયો 20 ઑક્ટોબરની વહેલી સવારે 3:21થી 3:25 વાગ્યાની વચ્ચે જહાંગીરપુરા પોલીસ સ્ટેશનના (Jahangirpura Police Station) લોકઅપમાંથી ફરાર થઈ ગયો હતો. પ્રાથમિક ફરિયાદ પ્રમાણે, તેણે કોઈક રીતે લોકઅપનો દરવાજો ખોલ્યો અને પોલીસકર્મીઓની નજર ચૂકવીને ત્યાંથી નાસી છૂટ્યો હતો.
પોલીસ સ્ટેશનના લોકઅપમાંથી જ આરોપી ફરાર થઈ જતાં અધિકારીઓ અને કર્મચારીઓમાં દોડધામ મચી હતી. ત્યારબાદ આરોપીને ફરી ઝડપી પાડવા માટે પોલીસ દ્વારા શોધખોળ શરૂ કરવામાં આવી હતી.
લૂંટ સહિતના ગંભીર ગુનાઓમાં હતો રિમાન્ડ પર
પ્રદીપ પાટીલ સુરતના વેડરોડ વિસ્તારનો રહેવાસી હોવાનું જાણવા મળ્યું છે. તેની સામે જહાંગીરપુરા પોલીસ સ્ટેશનમાં લૂંટ, લૂંટ દરમિયાન ઈજા પહોંચાડવી, જીવલેણ હથિયારના ઉપયોગ સાથે લૂંટ અથવા ગંભીર ઈજા પહોંચાડવાના પ્રયાસ સહિતના આરોપો હેઠળ કાર્યવાહી (Police Custody Escape) ચાલી રહી હતી.
આ ઉપરાંત, સહિયારા ઈરાદાથી ગુનો આચરવા અને હથિયારબંધીના જાહેરનામાના ભંગ સંબંધિત જોગવાઈઓ હેઠળ પણ તેની સામે કાર્યવાહી કરવામાં આવી રહી હતી. આ ગુનાઓના સંદર્ભમાં તે પોલીસ રિમાન્ડ પર હતો.
કાપોદરા વિસ્તારમાંથી ફરી ઝડપાયો
આરોપી પોલીસ કસ્ટડીમાંથી નાસી છૂટતાં તેને શોધવા માટે પોલીસ દ્વારા કાર્યવાહી હાથ ધરવામાં આવી હતી. ત્યારબાદ પોલીસે તેને કાપોદરા વિસ્તારમાંથી ઝડપી પાડ્યો હતો. આમ, ફરાર થયાના ગણતરીના કલાકોમાં જ આરોપી ફરી પોલીસના હાથે ઝડપાઈ (Pradip Patil Arrest) ગયો હતો.
રાંદેર પોલીસ સ્ટેશનમાં નવો ગુનો નોંધાયો
આરોપી કસ્ટડીમાંથી ફરાર થવાના બનાવ અંગે જહાંગીરપુરા પોલીસ સ્ટેશનના ASI અરવિંદભાઈ સોમાભાઈએ રાંદેર પોલીસ સ્ટેશનમાં લેખિત ફરિયાદ નોંધાવી હતી. તેના આધારે પ્રદીપ સામે ભારતીય ન્યાય સંહિતા (BNS), 2023ની કલમ 262 હેઠળ નવો ગુનો નોંધવામાં આવ્યો છે.
હવે આરોપી લોકઅપમાંથી કેવી રીતે બહાર નીકળ્યો, સુરક્ષા વ્યવસ્થામાં કોઈ ખામી રહી હતી કે કેમ અને ફરાર થવા દરમિયાન કોઈની મદદ મળી હતી કે નહીં, તે તપાસનો વિષય છે.
આ પણ વાંચો: અરવલ્લીમાં પોષડોડા ભરેલી સ્કોર્પિયો પર પોલીસનું ફાયરિંગ, બે આરોપી ફરાર
આ પણ વાંચો: વડોદરા SSG હોસ્પિટલમાંથી દુષ્કર્મ કેસનો આરોપી ફરાર, પોલીસને ધક્કો મારી ભાગ્યો; CCTVમાં ઘટના કેદ
આ પણ વાંચો: લોન અપાવવાના નામે મોટો ખેલ! 7 લોકોને ફસાવી રૂ.3.61 લાખ પડાવી આરોપી ફરાર
