અડાજણ પાલ રોડ પર ચોથા માળેથી પટકાતા યુવતીનું મોત

સુરત/ અડાજણ પાલ રોડ પર ચોથા માળેથી પટકાતા યુવતીનું મોત

અડાજણમાં એરીટા બિલ્ડીંગના બાંધકામમાં કામ કરતી 22 વર્ષીય યુવતી ચોથા માળેથી નીચે પટકાતા મોત થયું

સુરતના અડાજણ પાલ રોડ પરનો બનાવ
ચોથા માળેથી પટકાતા 22 વર્ષીય યુવતીનું મોત
નવનિર્મિત બાંધકામ સાઇટ પર બની ઘટના
સેરલ નામની યુવતી નીચે પટકાતા ઈજાગ્રસ્ત થઈ હતી

@દિવ્યેશ પરમાર

Surat News: સુરતના અડાજણ પાલ વિસ્તારમાં એરીટા બિલ્ડીંગના બાંધકામમાં કામ કરતી 22 વર્ષીય યુવતી ચોથા માળેથી અકસ્માતે નીચે પટકાતા ગંભીર રીતે ઈજાગ્રસ્ત થઇ હતી.જેથી હોસ્પિટલ ખસેડતા યુવતીનું સારવાર દરમ્યાન મોત નીપજ્યું હતું.

સુરતમાં છાશવારે નવનિર્મિત બિલ્ડીંગોમાં કામ કરતા શ્રમિકો ઈજાગ્રસ્ત થવાની અને મોતને ભેટવાની ઘટનાઓ સામે આવતી હોય છે ત્યારે ફરી એકવાર અડાજણ પાલમાં નવનિર્મિત બિલ્ડીગમાં કામ કરતી 22 વર્ષીય યુવતી ચોથા માળેથી પટકાતા મોતને ભેટી હતી.

મળતી વિગત પ્રમાણે મૂળ મધ્યપ્રદેશના રેહવાસી અને સુરતમાં રેહતા રાકેશભાઈ અડાજણ પાલમાં બનતા એરીટા બિલ્ડીંગમાં પરિવાર સાથે બાંધકામ કામ કરી ગુજરાન ચલાવે છે.ત્યારે ગઈ કાલે તારીખ 16/01/2024ના રોજ બિલ્ડીગમાં કોલમ અને બીમ ભરવાનું કામ ચાલી રહ્યું હતું આ દરમ્યાન ચેહલબેન નામની 22 વર્ષીય યુવતી અચાનક ચોથા માળેથી નીચે પટકાઈ હતી.

યુવતી નીચે પટકાતા પેટ અને માથાના ભાગે ગંભીર ઈજા પહોંચી હતી જેથી યુવતીને સારવાર માટે નવી સિવિલ હોસ્પિટલ ખસેડી હતી જ્યાં ટૂંકી સારવાર દરમ્યાન યુવતીનું મોત થયું હતું.યુવતીના મોતને પગલે પરિવારજનો ભાંગી પડ્યા હતા.હાલ તો પોલીસે લાશને પીએમ અર્થે ખસેડી વધુ તપાસ હાથ ધરી છે.