આજકાલ વિમાનમાં ઉડતી વખતે અકસ્માતો વધી રહ્યા છે. તાજેતરનો અકસ્માત યુનાઈટેડ એરલાઈન્સના વિમાનમાં થયો હતો જેના કારણે તેમાં સવાર સેંકડો મુસાફરોના શ્વાસ અધ્ધર થઈ ગયા હતા. માહિતી અનુસાર, સોમવારે બપોરે યુનાઇટેડ એરલાઇન્સનું પ્લેન 2091, એક એરબસ 320, ટેક ઓફ કરવા માટે તૈયાર હતું પરંતુ અચાનક તેના એન્જિનમાં આગ લાગી અને તેમાંથી ધુમાડો નીકળવા લાગ્યો. મોટી દુર્ઘટનાના ભયને કારણે ફ્લાઈટ કેન્સલ કરવી પડી હતી અને મુસાફરોને તાત્કાલિક બહાર કાઢવામાં આવ્યા હતા.
🚨BREAKING: United Airlines flight aborts takeoff after an engine catches fire at Chicago O’Hare International Airport.
pic.twitter.com/h1s2o8JDMu— The Worldview Monitor (@WorldviewFeed) May 28, 2024
શિકાગોના ઓ’હેરે ઇન્ટરનેશનલ એરપોર્ટ પર ફ્લાઇટ ઉડવા માટે તૈયાર હતી ત્યારે અચાનક તેની એક પાંખમાંથી કાળો ધુમાડો નીકળવા લાગ્યો. એરક્રાફ્ટમાં અચાનક થયેલી આ સમસ્યાને કારણે ફ્લાઈટ ક્રૂ અને એરપોર્ટ ઈમરજન્સી સર્વિસે તાત્કાલિક કાર્યવાહી કરી હતી. તે સમયે વિમાનમાં કુલ 148 મુસાફરો અને પાંચ ક્રૂ મેમ્બર સવાર હતા. ઘટના વિશે માહિતી આપતાં, ફેડરલ એવિએશન એડમિનિસ્ટ્રેશન (FAA) અને યુનાઇટેડ એરલાઇન્સે જણાવ્યું હતું કે પ્લેનને ગેટ પર પાછું લઈ જવામાં આવ્યું હતું અને તમામ મુસાફરોને સુરક્ષિત રીતે બહાર કાઢવામાં આવ્યા હતા.
વિમાનના એક મુસાફર ઈવાન પાલોઆલ્ટોએ લીધેલા ફૂટેજમાં એક પાંખમાંથી ઘેરો-કાળો ધુમાડો નીકળતો દેખાયો હતો, તેણે કહ્યું હતું કે વિમાન ઊડવાનું જ હતું ત્યારે વિસ્ફોટનો અવાજ સંભળાયો. “મને મારી બારી પર અસર અનુભવાઈ,” તેણે કહ્યું. મેં બહાર જોયું તો એન્જિનમાં આગ લાગી હતી અને ધુમાડો નીકળી રહ્યો હતો. અમેરિકાના સૌથી વ્યસ્ત એરપોર્ટ પૈકીના એક O’Hare એરપોર્ટ પર આગની માહિતી મળ્યા બાદ FAA એ અસ્થાયી રૂપે ફ્લાઇટ્સ અટકાવી દીધી હતી.
આ પણ વાંચો: ઈરાન પરમાણુ બોમ્બ બનાવવાની અણીએ, ઈબ્રાહીમ રાયસીની નીતિને આગળ ધપાવશે
આ પણ વાંચો: બાબા વાંગાની ભવિષ્યવાણીઓ સાચી પડી તો વિશ્વમાં મચી જશે હાહાકાર
આ પણ વાંચો: પૃથ્વી અને શુક્રની વચ્ચે પણ રહેવા જેવી જગ્યા છે! NASAએ કરી શોધ
