Equations : ગુજરાતમાં પહેલા તબક્કાની 89 બેઠકોની સૌરાષ્ટ્ર-કચ્છ અને દક્ષિણ ગુજરાતમાં યોજાયેલી ચૂંટણીમાં મતદારોએ દાખવેલી નિરસતા રાજકીય પક્ષો અને લોકશાહીની ઉદ્દાત ભાવના સામે ચિંતા ઉપજાવનારી છે. કદાચ મતદારોના મનમાં એવી હતાશા ઉભી થઈ હશે કે ભાજપ આવે કે કોંગ્રેસ બધા સરખા જ છે ને? એવું મતદાર વિચારી રહ્યા છે. રાજ્યમાં વિધાનસભાની ચૂંટણીમાં પ્રથમ તબક્કામાં થયેલું ઓછું મતદાન રાજકીય પક્ષોને ચિંતા કરાવનારૂ છે ત્યારે સોમવારે યોજાનાર બીજા તબક્કાની 93 બેઠકો પૈકીની 34 બેઠકો એવી છે કે જે ભાજપ કોંગ્રેસ માટે ચિંતા સમાન બની છે. અહીંયા આમ આદમી પાર્ટી સમીકરણો બદલી શકે છે.
નોંધનીય છે કે ભાજપ કોંગ્રેસ બંને માટે આ ચૂંટણી આસાન નથી. ભલે ભાજપ ગત ચૂંટણીમાં બીજા તબક્કાની 93 બેઠકો પૈકી 51 અને કોંગ્રેસને 39 બેઠકો મળી હોય પરંતુ એમાં ત્રીજા ભાગની બેઠકો એવી છે કે જ્યાં માંડ માંડ જીત મળી હતી. 34 બેઠકો એવી છે કે જ્યાં ભાજપ કોંગ્રેસને 10 હજાર કરતાં ઓછા માર્જીનથી જીત મળી હતી. જોકે પાતળી સરસાઇ મામલે ભાજપ કોંગ્રેસ બંનેની સ્થિતિ એક સમાન છે. ભાજપ અને કોંગ્રેસ બંનેનો 17 – 17 બેઠકો પર 10 હજાર કરતાં ઓછા માર્જીનથી વિજય થયો હતો. આ બેઠકો પર ફરીથી આ વખતે જીત મેળવવી બંને પક્ષો માટે ચિંતા કરાવે એવી સ્થિતિ છે.ભાજપની વાત કરીએ તો ગોધરા બેઠક પર માત્ર 258 મતની સરસાઇથી જીત મળી હતી. જ્યારે ધોળકા બેઠક પર 327 મત, વિજાપુર બેઠક પર 1164 મત, હિમંતનગર બેઠક પર 1712 મત અને ઉમેરઠ બેઠક પર 1883 મતની સરસાઇ મળી હતી.
ભાજપ આ બેઠકો પર આટલા માર્જિનથી જીતી હતી
ગોધરા 258
ધોળકા 327
વિજાપુર 1164
હિંમતનગર 1712
ઉમરેઠ 1883
ખંભાત 2318
માતર 2406
પ્રાંતિજ 2551
ફતેહપુરા 2711
ડભોઇ 2839
વિસનગર 2869
સંતરામપુર 6424
મહેસાણા 7136
સાણંદ 7721
કડી 7746
ચાણસ્મા 8234
કાંકરેજ 8588
ઉલ્લેખનીય છે કે જ્યારે કોંગ્રેસની વાત કરીએ તો માણસા બેઠક પર માત્ર 524 મતની સરસાઇથી જીત મળી હતી. જ્યારે દિયોદર બેઠક પર 972 મત, છોટાઉદેપુર 1093 અને મોડાસા બેઠક પર માત્ર 1640 મતની સરસાઇથી જીત મળી હતી.
માણસા 524
દિયોદર 972
છોટાઉદેપુર 1093
મોડાસા 1640
ધાનેરા 2093
સોજીત્રા 2388
જેતપુર 3052
બાપુનગર 3067
કરજણ 3564
ગાંધીનગર ઉત્તર 4774
આણંદ 5286
ધંધુકા 5920
વિરમગામ 6548
વાવ 6655
ઠાસરા 7028
બાયડ 7901
કલોલ 7965
ઉપરોકત બેઠક પરથી જાણી શકો છો કે આછો માર્જિની બેઠકો પર ખરાખરીનો જંગ ખેલાશે આ વખતે આમ આદમી પાર્ટી આ બેઠક પર ગણિત બદલી શકે છે. ચૂંટણી અંગે દરેક સાચાર હવે મંતવ્ય લાઇવ ન્યુઝમાં જોવો આમાં વિંક આપેલ છે.
