બોલિવૂડ ઉદ્યોગના મી. પરફેક્શનિસ્ટ્સ આમિર ખાન અને કિરણ રાવે તાજેતરમાં સત્તાવાર રીતે તેમના છૂટાછેડાની ઘોષણા કરીને બધાને આશ્ચર્યચકિત કર્યા છે. હજી સુધી આમિર-કિરણના ચાહકો વિશ્વાસ કરી શકતા નથી કે આ જોડી અલગ થઈ રહી છે.
બોલીવુડ સ્તરના લગ્ન કરતા તેમના છુટાછેડા હંમેશાથી ચકચાર જગાવે છે. પાછી તે આમીર ખાન- રીના દત્તા –કિરણ રાવ હોય કે રિતિક-સુઝેન, કે પાછી મલાઈકા-અરબાજ, બધા જ સેલેબ્સના છૂટાછેડા એ ફિલ્મ ઇન્ડસ્ટ્રીમાં તરખાટ મચાવ્યો છે. ઇન્ડસ્ટ્રીમાં આવા ઘણા યુગલો છે, જેનો સંબંધ છૂટાછેડામાં પરિણમ્યો છે. હવે આ યુગલોમાં એક નવું નામ સામેલ થયું છે અને તે છે આમિર ખાન-કિરણ રાવનું.
તો ચાલો આજે અમે તમને કેટલાક એવા યુગલો વિશે જણાવીએ, જેમના તાજેતરના છૂટાછેડાથી લોકો આશ્ચર્યચકિત થઈ ગયા છે.
આમિર ખાન-કિરણ રાવ
બોલિવૂડ ઇન્ડસ્ટ્રીના મી. પરફેક્શનિસ્ટ્સ આમિર ખાન અને કિરણ રાવે તાજેતરમાં સત્તાવાર રીતે તેમના છૂટાછેડાની ઘોષણા કરીને બધાને આશ્ચર્યચકિત કર્યા છે. બંનેએ લગ્નના 15 વર્ષ પછી છૂટાછેડાની જાહેરાત કરી હતી. પહેલી પત્ની રીના દત્તાથી અલગ થયા પછી આમિર ખાને 2005 માં કિરણ રાવ સાથે લગ્ન કર્યા હતા અને હવે બંને અલગ થઈ રહ્યા છે.
મસાબા ગુપ્તા – મધુ મન્ટેના
નીના ગુપ્તાની પુત્રી અને ફેશન ડિઝાઇનર મસાબા ગુપ્તાના છૂટાછેડા સમાચારોમાં હતા. તેણે 2018 માં તેના પતિ અને પ્રખ્યાત ફિલ્મ નિર્માતા મધુ મન્ટેનાથી છૂટાછેડાની ઘોષણા કરી હતી અને 2019 માં બંનેએ પરસ્પર સંમતિથી છૂટાછેડા લીધા હતા.
રણવીર શોરી-કોંકણા સેન શર્મા
રણવીર શોરી અને કોંકણા સેન શર્માના છૂટાછેડાએ પણ ઘણી હેડલાઇન્સ બનાવી હતી. 2010 માં બંનેના લગ્ન થયા હતા, પરંતુ લગ્નના થોડા વર્ષો પછી બંને અલગ રહેવા લાગ્યા હતા. આ પછી, બંનેના 2020 માં સત્તાવાર રીતે છૂટાછેડા થઈ ગયા. આ લગ્નથી બંનેને એક પુત્ર હારૂન શૌરી પણ છે.
દિયા મિર્ઝા-સાહિલ સંઘી
દિયા મિર્ઝાએ 18 ઓક્ટોબર 2014 ના રોજ દિલ્હીના છતરપુરમાં બોયફ્રેન્ડ સાહિલ સંઘી સાથે લગ્ન કર્યા. પરંતુ, લગ્નના 5 વર્ષ પછી બંને અલગ થઈ ગયા. 2019 માં બંનેએ છૂટાછેડાની ઘોષણા કરી હતી. તેઓએ સોશિયલ મીડિયા દ્વારા તેમના 11-વર્ષના સંબંધને સમાપ્ત કરવાની જાહેરાત કરી. જે બાદ તેણે 15 ફેબ્રુઆરી 2021 ના રોજ ઉદ્યોગપતિ વૈભવ રેખી સાથે લગ્ન કર્યા.
અર્જુન રામપાલ-મેહર જેસિયા
પૂર્વ પત્ની મેહર જેસિયા સાથેના લગ્નના 21 વર્ષ બાદ અર્જુન રામપાલનો છૂટાછેડા થઈ ગયા. જો કે, બંને લાંબા સમયથી અલગ રહેતા હતા. પરંતુ, સત્તાવાર રીતે 2019 માં અલગ થઈ ગયા. અર્જુન રામપાલ હાલમાં ગર્લફ્રેન્ડ ગેબ્રિએલા સાથે રહે છે, જેની સાથે તેનો એક પુત્ર એરિક રામપાલ પણ છે.
ફરહાન અખ્તર – અધુના ભવાની
ફરહાન અખ્તરે લગભગ 3 વર્ષ ડેટિંગ બાદ 2000 માં અધુના ભવાની સાથે લગ્ન કર્યા. પરંતુ, લગ્નના 16 વર્ષ પછી, બંનેએ છૂટાછેડાની ઘોષણા કરી હતી અને 2016 માં અલગ થઈ ગયા હતા. અધુનાથી અલગ થયા પછી ફરહાન અખ્તર વીજે શિબાની દાંડેકર સાથે રિલેશનશિપમાં છે.
હિમેશ રેશમિયા – કોમલ રેશમિયા
હિમેશ રેશમિયાએ 1995 માં કોમલ રેશમિયા સાથે લગ્ન કર્યા હતા. પરંતુ, આ બંનેએ 2017 માં 22 વર્ષથી વધુ સમય સુધી ચાલેલા સંબંધોને સમાપ્ત કર્યા. જે બાદ હિમેશ રેશમિયાએ 2018 માં ટીવી એક્ટ્રેસ સોનિયા કપૂર સાથે લગ્ન કર્યા.
