Mumbai Indians Updates: બોર્ડર ગાવસ્કર ટ્રોફી બાદ ભારત અને ઓસ્ટ્રેલિયા વચ્ચે 17 માર્ચથી ત્રણ મેચની વનડે સ્રિરીઝ રમાશે. આ સિરીઝની શરૂઆત પહેલા જ એક ખરાબ સમાચાર સામે આવ્યા છે. ઘાતક ખેલાડી ઈજાના કારણે આખી સ્રિરીઝમાંથી બહાર થઈ ગયો છે. એટલું જ નહીં, આ ખેલાડી IPL 2023માંથી બહાર થઈ શકે છે. આ ખેલાડી IPLમાં મુંબઈ ઈન્ડિયન્સ ટીમનો ભાગ છે. મુંબઈ ઈન્ડિયન્સ પહેલાથી જ ઈજાગ્રસ્ત ખેલાડીઓની સમસ્યાથી ઝઝૂમી રહી છે.
ભારત અને ઑસ્ટ્રેલિયા વચ્ચેની વનડે સિરીઝ માટે ઑસ્ટ્રેલિયન ટીમમાં સામેલ કરવામાં આવેલ ઝડપી બોલર ઝ્યે રિચર્ડસન ઈજાના કારણે આખી સિરીઝમાંથી બહાર થઈ ગયો છે. ESPNcricinfo અનુસાર, ઝાય રિચર્ડસન હેમસ્ટ્રિંગની ઈજાને કારણે IPL 2023માંથી બહાર થઈ શકે છે. બિગ બેશ લીગ (BBL) દરમિયાન જ્યે રિચર્ડસનને ઈજા થઈ હતી. 4ઠ્ઠી જાન્યુઆરીએ તેની હેમસ્ટ્રિંગમાં તાણ આવવાથી તેણે કોઈ ક્રિકેટ રમી નથી. પછી એવી અપેક્ષા હતી કે તે ફિટ થઈને માર્શ કપ અથવા શેફિલ્ડ શિલ્ડ ટ્રોફીમાં ભાગ લેશે, પરંતુ એવું થઈ શક્યું નહીં. ફાસ્ટ બોલર જસપ્રીત બુમરાહ લાંબા સમયથી ઈજાથી ઝઝૂમી રહ્યો છે. ઓસ્ટ્રેલિયા સામે રમાઈ રહેલી ટેસ્ટ સ્રિરીઝમાં પણ તે ટીમ ઈન્ડિયાનો ભાગ નથી. તે હવે બેક સર્જરી કરાવવા ન્યુઝીલેન્ડ ગયો છે. હવે બુમરાહને સાજા થવામાં ત્રણ-ચાર મહિનાનો સમય લાગી શકે છે.
આવી સ્થિતિમાં એવું માનવામાં આવે છે કે જસપ્રીત બુમરાહ IPL 2023માંથી બહાર થઈ જશે. જો જ્યે રિચર્ડસન પણ આ સિઝનમાંથી બહાર થઈ જશે તો મુંબઈ ઈન્ડિયન્સની મુશ્કેલીઓ વધી શકે છે. રિચર્ડસને ઓસ્ટ્રેલિયા માટે ત્રણેય ફોર્મેટમાં ક્રિકેટ રમી છે. તેણે ઓસ્ટ્રેલિયા માટે 3 ટેસ્ટ મેચમાં 11 વિકેટ, 15 વનડેમાં 27 વિકેટ અને 18 ટી20 મેચમાં 19 વિકેટ ઝડપી છે.
IPL 2023 માટે મુંબઈ ઈન્ડિયન્સની ટીમ
રિટેન કરાયેલા ખેલાડીઓ – આકાશ મધવાલ, અર્જુન તેંડુલકર, ડેવાલ્ડ બ્રુઈસ, હૃતિક શોકીન, ઈશાન કિશન, જેસન બેહરનડોર્ફ, જસપ્રિત બુમરાહ, જોફ્રા આર્ચર, કુમાર કાર્તિકેય સિંહ, મોહમ્મદ અરશદ ખાન, તિલક વર્મા, રમનદીપ સિંહ, રોહિત શર્મા, સૂર્યકુમાર યાદવ અને ટી. ટ્રિસ્ટન સ્ટબ્સ.
ખરીદેલા ખેલાડીઓ – કેમેરોન ગ્રીન (17.50 કરોડ), જ્યે રિચર્ડસન (1.50 કરોડ), પીયૂષ ચાવલા (50 લાખ), ડ્વેન જેન્સેન (20 લાખ), વિષ્ણુ વિનોદ (20 લાખ), શમ્સ મુલાની (20 લાખ), નેહલ વાધેરા (20 લાખ) ) લાખ) અને રાઘવ ગોયલ (20 લાખ).
આ પણ વાંચો: Manish Sisodia/ તિહાર જેલમાં મનીષ સિસોદિયાને કઈ સુવિધા આપવામાં આવશે?
આ પણ વાંચો: બજારમાં હેપ્પી હોળી/ બજારમાં અવિરત વધારો જારીઃ સેન્સેક્સ 415 પોઇન્ટ ઉચકાયો
આ પણ વાંચો: Lalu Yadav/ CBIએ હવે લાલુ યાદવને મોકલ્યું સમન્સ, આવતીકાલે થશે પૂછપરછ
