Elon Musk Hired Hacker: ટ્વિટરના નવા માલિક એલોન મસ્કે હાલમાં જ લગભગ 4 હજાર કર્મચારીઓને નોકરીમાંથી કાઢી મૂક્યા છે. હવે એવી અપેક્ષા રાખવામાં આવે છે કે મસ્ક કંપની માટે ઘણી ભરતી કરશે. એલોન મસ્કે તાજેતરમાં જ્યોર્જ હોટ્ઝને નોકરીએ રાખ્યા છે. તે એ જ છે જે 2007માં આઇફોન હેક કરીને ચર્ચામાં આવ્યો હતો. આ પહેલો વ્યક્તિ હતો જેણે આઇફોનને અનલોક કર્યોં હતો. અગાઉ મસ્કના સ્પેસએક્સ સાથે પણ સંકળાયેલા હતો. હવે મસ્કે ટ્વિટર પર સર્ચ ઓપ્શનને ઠીક કરવા માટે હાયર કર્યો છે. જ્યોર્જ હોટ્ઝ પાસે મોટા ભાગના એન્જિનિયરો વર્ષોમાં ન કરી શક્યા તે ખામીઓને ઠીક કરવા માટે 12 અઠવાડિયા આપવામાં આવ્યા છે. જ્યોર્જ હોટ્ઝે ટ્વિટ કર્યું, ‘હું સાન ફ્રાન્સિસ્કોમાં રહેવાના ખર્ચે ટ્વિટર પર 12 સપ્તાહની ઇન્ટર્નશિપ કરવા તૈયાર છું.’ એલોન મસ્કે વાત કરવાની ઓફર સાથે તેના ટ્વીટનો જવાબ આપ્યો હતો. હોટ્ઝે જણાવ્યું કે, “હું 12 અઠવાડિયામાં 1,000 માઇક્રો સર્વિસીસમાંથી કેટલાક બગ્સને સાફ કરવામાં મદદ કરી શકું છું,”
તેણે એ પણ સ્પષ્ટ કર્યું કે તે ટ્વિટરમાં માત્ર એક ઈન્ટર્ન છે અને તેને 12 અઠવાડિયા માટે ટ્વિટરમાં તૂટેલી શોધને ઠીક કરવા માટે રાખવામાં આવ્યો છે. જ્યોર્જ હોટ્ઝ કાર્નેગી મેલોન યુનિવર્સિટીમાંથી કોમ્પ્યુટર સાયન્સ કર્યું છે. તેણે ગૂગલ, ફેસબુક અને સ્પેસએક્સ સાથે ઈન્ટર્નશીપ કરી છે. તેઓ 2015 થી 2018 સુધી comma.ai ના CEO હતો. હવે એલોન મસ્કે તેને ટ્વિટરમાં ઈન્ટર્ન તરીકે રાખ્યો છે. અહીં તે સર્ચ ઓપ્શનને ઠીક કરવાનું કામ કરશે.
આ પણ વાંચો: Zero Covid Policy/ ચીનમાં ‘ક્રૂર કોરોના પોલિસી’ સામે જનવિદ્રોહ, લોકો રસ્તા પર ઉતર્યા
