Ahmedabad News:જિલ્લા શિક્ષણ અધિકારી (DEO) એ શહેરના ખોખરા વિસ્તારમાં આવેલી સેવન્થ ડે એડવેન્ટિસ્ટ હાયર સેકન્ડરી સ્કૂલને બીજી નોટિસ ફટકારી છે. આ નોટિસમાં, શાળાને તેની માન્યતા અને અન્ય જરૂરી દસ્તાવેજો સબમિટ કરવાનો કડક આદેશ આપવામાં આવ્યો છે. શાળાએ આજે સવારે 11 વાગ્યા સુધીમાં DEO ને તમામ જરૂરી દસ્તાવેજો સબમિટ કરવાના રહેશે.
જિલ્લા શિક્ષણ અધિકારી દ્વારા જારી કરાયેલ આ નોટિસમાં, શાળાને નીચેના દસ્તાવેજો સબમિટ કરવાની સ્પષ્ટ સૂચના આપવામાં આવી છે: શાળાનું માન્યતા પ્રમાણપત્ર: રાજ્ય સરકાર તરફથી મળેલી માન્ય મંજૂરીનો પુરાવો.શાળાના NOC અને ઇમારતના NOC સંબંધિત દસ્તાવેજો. ICSE બોર્ડ દ્વારા શાળાને મળેલી માન્યતા સંબંધિત તમામ દસ્તાવેજો. અને શાળાના કાયદેસર સંચાલન અને ઇમારતની સલામતી સાબિત કરતા પુરાવા.
આ નોટિસમાં, શાળાને આજે સવારે 11 વાગ્યા સુધીમાં DEO ઓફિસમાં આ બધા દસ્તાવેજો સબમિટ કરવાનો આદેશ આપવામાં આવ્યો છે. જો દસ્તાવેજો નિર્ધારિત સમય મર્યાદામાં સબમિટ કરવામાં નહીં આવે, તો શાળા સામે કડક કાર્યવાહી થઈ શકે છે.
જોકે DEO દ્વારા આ નોટિસ જારી કરવા પાછળનું ચોક્કસ કારણ હજુ સ્પષ્ટ નથી, પરંતુ સૂત્રો કહે છે કે શાળાઓ દ્વારા માન્યતા અને મકાન સલામતીના નિયમોનું પાલન કરવામાં આવ્યું છે કે કેમ તે ચકાસવા માટે આ પગલું લેવામાં આવ્યું હોઈ શકે છે. રાજ્ય સરકાર અને શિક્ષણ વિભાગ દ્વારા શાળાઓના સંચાલન અને માળખાગત સુવિધાઓની સલામતી અંગે સમયાંતરે આવા નિરીક્ષણો કરવામાં આવે છે. આવા કિસ્સાઓમાં, શાળાઓને તેમની માન્યતા, NOC અને અન્ય દસ્તાવેજો તપાસવાની સૂચના આપવામાં આવે છે.
આ પણ વાંચો: અમદાવાદની ખાનગી સ્કૂલ સેવન્થ ડેએ સરકારી આદેશના ધજાગરા ઉડાવ્યા
આ પણ વાંચો: સુરતની સેવન્થ ડે સ્કૂલના 100 વિદ્યાર્થીઓ અને શિક્ષકો ધર્મશાળામાં ફસાયા
આ પણ વાંચો: બોપલની શિવ આશિષ સ્કૂલ દ્વારા 145 વિદ્યાર્થીને કરાવ્યો મહારાષ્ટ્રનો પ્રવાસ, DEOએ ફટકારી નોટિસ
