મજાકમાં 19 વર્ષના યુવકના પ્રાઈવેટ પાર્ટમાં ભરી દીધી હવા, થયું મોત

અમદાવાદ/ મજાકમાં 19 વર્ષના યુવકના પ્રાઈવેટ પાર્ટમાં ભરી દીધી હવા, થયું મોત

એક સહકર્મીની મજાક 19 વર્ષના યુવાનને એટલી ભારે પડી કે તેનું મોત થઇ ગયું કારણ કે સહકર્મીએ મજાકમાં તેના પ્રાઈવેટ પાર્ટમાં હવા ભરી દીધી હતી.

Ahmedabad News: એક સહકર્મીની મજાક 19 વર્ષના યુવાનને એટલી ભારે પડી કે તેનું મોત થઇ ગયું કારણ કે સહકર્મીએ મજાકમાં તેના પ્રાઈવેટ પાર્ટમાં હવા ભરી દીધી હતી. જેના કારણે તેના આંતરડા અને ગુદામાર્ગ ફાટી જતાં સારવાર દરમિયાન તેનું મોત નીપજ્યું હતું. મૃતકના પિતાની ફરિયાદના આધારે પોલીસે આરોપી સહકર્મીની વિરુદ્ધ ફરિયાદ નોંધી છે. તેણે આરોપીઓ પર તેના પુત્રની હત્યા કરવાનો આરોપ લગાવ્યો. તેમજ આરોપીઓ સામે કડક કાર્યવાહી કરવા માગ કરી હતી. પોલીસના જણાવ્યા અનુસાર આ મામલે તપાસ કરવામાં આવી રહી છે. ટૂંક સમયમાં આરોપીઓ ઝડપાઈ જશે.

હોસ્પિટલમાં સારવાર દરમિયાન મોત

મીડિયા રિપોર્ટ્સ અનુસાર, મૃતકની ઓળખ બિહારના રહેવાસી 19 વર્ષીય પંકજ તરીકે થઈ છે. તેના પિતા રવિન્દ્ર રાયે ફરિયાદ નોંધાવી છે. રવિન્દ્રએ પોલીસને આપેલી ફરિયાદમાં જણાવ્યું હતું કે તેનો પુત્ર અમદાવાદ સ્થિત કંપનીમાં કામ કરે છે. ગુરુવારે રાત્રે, તેના સહકર્મી પ્રકાશ કુરાએ મજાકમાં તેમના પ્રાઈવેટ પાર્ટને એર કોમ્પ્રેસરથી ભરી દીધું હતું, જેનાથી તેની સ્થિતિ વધુ ખરાબ થઈ ગઈ હતી. તે પડી ગયો અને બેભાન થઈ ગયો. પંકજને તેના સહકર્મીએ નજીકની હોસ્પિટલમાં દાખલ કર્યો હતો, જ્યાંથી તેને મણિનગરની એલજી હોસ્પિટલમાં રિફર કરવામાં આવ્યો હતો. ત્યાં સારવાર દરમિયાન પંકજનું મોત થયું હતું.

પોલીસ હત્યાના એંગલથી તપાસ કરી રહી છે

રવિન્દ્રના કહેવા પ્રમાણે, તેને હૈદરાબાદમાં રહેતા તેના સંબંધીએ આ બાબતની જાણ કરી હતી. માહિતી મળતાં જ તેઓ ઘટનાસ્થળે પહોંચી ગયા હતા, પરંતુ ત્યાં સુધીમાં પંકજનું મોત થઈ ચૂક્યું હતું. સમગ્ર મામલો જાણવા તેણે વટવા જીઆઈડીસી ફેસ-4 પોલીસ સ્ટેશનમાં ફરિયાદ નોંધાવી હતી. ડોક્ટરોએ તેમના રિપોર્ટમાં જણાવ્યું હતું કે તેમના પ્રાઈવેટ પાર્ટમાં હવા ભરાવાને કારણે તેમનું ગુદામાર્ગ ફાટી ગયું હતું. પેટ ફૂલી ગયું હતું. તેનું નાનું આંતરડું પણ ફાટી ગયું હતું. ડોક્ટરે તેનો રિપોર્ટ પોલીસને આપ્યો છે. પોલીસે મેડિકલ રિપોર્ટ અને ફરિયાદના આધારે કાર્યવાહી હાથ ધરી છે. બેદરકારીનો કેસ નોંધવામાં આવ્યો છે. હત્યાના એંગલની પણ તપાસ કરવામાં આવી રહી છે.