રાજસ્થાનના બાંસવાડામાંથી આરોગ્ય સેવાઓનો ખૂબ જ શરમજનક ચહેરો સામે આવ્યો છે. બાંસવાડામાં એક દર્દીને લઈ જઈ રહેલી એમ્બ્યુલન્સમાં પેટ્રોલ ખતમ થઈ ગયું, જેના કારણે કથિત રીતે એમ્બ્યુલન્સમાં દર્દીનું મોત થયું હતું. આ ઘટનાનો વીડિયો પણ સોશિયલ મીડિયા પર વાયરલ થઈ રહ્યો છે.
અધિકારીઓ પાસેથી મળતી માહિતી મુજબ આ મામલે તપાસ શરૂ કરી દેવામાં આવી છે. સીએમએચઓ બાંસવાડા હીરાલાલ તાબિયારના જણાવ્યા મુજબ, 108 એમ્બ્યુલન્સ ખાનગી એજન્સી દ્વારા સંચાલિત છે. તેમણે માહિતી આપી હતી કે એજન્સી રાજ્ય સરકાર દ્વારા અધિકૃત છે અને કંપની એમ્બ્યુલન્સની જાળવણી માટે જવાબદાર છે. ક્યાં બેદરકારી હતી તે તપાસ બાદ સામે આવશે.
આ દરમિયાન રાજસ્થાન સરકારના મંત્રી પ્રતાપ સિંહ ખાચરિયાવાસનું નિવેદન પણ સામે આવ્યું છે. તેમણે કહ્યું છે કે જો એમ્બ્યુલન્સમાં પેટ્રોલ સમાપ્ત થઈ ગયું અને દર્દીનું મૃત્યુ થયું તો તે સિસ્ટમની નિષ્ફળતા નથી પરંતુ મેનેજમેન્ટની નિષ્ફળતા છે. તેમણે કહ્યું કે આની સામે જે પણ જવાબદાર હશે તેમની સામે કડક કાર્યવાહી કરવામાં આવશે.
આ પહેલા ઓક્ટોબર મહિનામાં પણ આવો જ એક કિસ્સો એમપીના ગ્વાલિયરમાંથી સામે આવ્યો હતો. અહીં દર્દીને સારવાર માટે લઈ જતી એમ્બ્યુલન્સનું પેટ્રોલ હોસ્પિટલ પહોંચતા પહેલા જ સમાપ્ત થઈ ગયું હતું, જેના કારણે દર્દીનું અધવચ્ચે જ મોત થયું હતું.
આ પણ વાંચો:ગુજરાતના તમામ જિલ્લાઓમાં Jio Tarue 5G સેવાઓ મેળવનાર પ્રથમ રાજ્ય બન્યું
આ પણ વાંચો:ભાજપ આવતીકાલે જાહેર કરશે મેનીફેસ્ટો, વચનોની થશે લહાણી!
આ પણ વાંચો:પ્રથમ વન-ડેમાં ભારતે ન્યૂઝીલેન્ડને આપ્યો 307 રનનો
