FIFA વર્લ્ડ કપ 2022 (FIFA WC 2022)માં આજે ફાઇનલ મેચ રમાશે. લુસેલ સ્ટેડિયમમાં આર્જેન્ટિના અને ફ્રાન્સ આમને-સામને થયો છે. આ પહેલા વર્લ્ડ કપમાં બંને ટીમો ત્રણ વખત ટકરાયા છે. આમાં આર્જેન્ટીનાનો હાથ ઉપર છે. દક્ષિણ અમેરિકાની આ ટીમે બે મેચ જીતી છે જ્યારે ફ્રાન્સે એક મેચ જીતી છે.
1930માં પ્રથમ વખત વર્લ્ડ કપમાં ટક્કર થઈ હતી
92 વર્ષ પહેલા ઉરુગ્વેમાં યોજાયેલા પ્રથમ વર્લ્ડ કપમાં આ બંને ટીમો ગ્રુપ સ્ટેજમાં આમને-સામને હતી. આર્જેન્ટિનાએ આ મેચ 1-0થી જીતી લીધી હતી. આર્જેન્ટિના માટે લુઈસ મોન્ટીએ ગોલ કર્યો હતો. લુઈસ મોન્ટી પણ એકમાત્ર વ્યક્તિ છે જેણે બે ટીમો માટે વર્લ્ડ કપની ફાઈનલ રમી છે. 1930માં આર્જેન્ટિના માટે રમ્યા બાદ, તે 1934માં ઇટાલી માટે વર્લ્ડ કપની ફાઇનલમાં રમ્યો હતો.
વર્લ્ડ કપમાં ફ્રાન્સ અને આર્જેન્ટિના 48 વર્ષ બાદ ટકરાયા હતા
વર્લ્ડ કપ 1978માં પણ આર્જેન્ટિના અને ફ્રાંસની ટીમો એક જ ગ્રુપમાં હતી. આ મેચ પણ આર્જેન્ટિનાએ જીતી હતી. આર્જેન્ટિના માટે પહેલા હાફમાં ડેનિયલ પાસરેલાએ પેનલ્ટી સ્પોટમાંથી ગોલ કરીને પોતાની ટીમને લીડ અપાવી હતી. બીજા હાફમાં ફ્રાન્સના માઈકલ પ્લેટિનીએ 60મી મિનિટે બરાબરીનો ગોલ કરીને મેચમાં રોમાંચ લાવી દીધો હતો. જો કે, માત્ર 13 મિનિટ બાદ જ લિયોપોલ્ડો લુકેના ગોલથી આર્જેન્ટિનાને ફરીથી આગળ કરી દીધું હતું. આર્જેન્ટિનાએ આ મેચ 2-1થી જીતી લીધી હતી.
વર્લ્ડ કપ 2018માં આર્જેન્ટિનાનો પરાજય થયો હતો
રશિયામાં ગત વિશ્વમાં પણ બંને ટીમો સામસામે આવી હતી. આ વખતે તેઓ રાઉન્ડ ઓફ 16માં ટકરાયા હતા. અહીં પણ એક સમયે આર્જેન્ટિના 2-1ની લીડ પર હતી પરંતુ ફ્રાન્સના બેન્જામિન પેવર્ડ અને Mbappeએ બેક ટુ બેક ગોલ કરીને પોતાની ટીમને 4-2થી આગળ કરી દીધી હતી. છેલ્લે સર્જિયો એગ્યુરોના ગોલથી આ લીડ થોડી ઓછી થઈ હતી પરંતુ મેચ ફ્રાન્સની તરફેણમાં 4-3થી સમાપ્ત થઈ હતી. અાર્જેન્ટીનાને અહીં વર્લ્ડ કપમાંથી બહાર થવું પડ્યું હતું.
આ પણ વાંચોઃ
