રિપબ્લિક ટીવીના મુખ્ય સંપાદક ઈન-ચીફ અર્ણબ ગોસ્વામીની વચગાળાની જામીન અરજીની સુનાવણી સુપ્રીમ કોર્ટમાં આજે સુનાવણી થવાની છે. સુપ્રીમ કોર્ટના ન્યાયાધીશ ધનંજય વાય.ચંદ્રચુડ અને ન્યાયાધીશ ઇન્દિરા બેનર્જીની ખંડપીઠ અર્ણબ ગોસ્વામીની વચગાળાના જામીન માટેની અપીલ પર સુનાવણી કરશે. હકીકતમાં, બોમ્બે હાઈકોર્ટના રિપબ્લિક ટીવીના મુખ્ય સંપાદકના વચગાળાના જામીન નામંજૂર કરવાના નિર્ણય સામે અર્ણબ ની અપીલ દાખલ થયાના થોડા જ કલાકોમાં, ટોચની કોર્ટ રજિસ્ટ્રીએ તેને 11 નવેમ્બરના રોજ સુનાવણી માટે સૂચિબદ્ધ કર્યા હતા. સુપ્રીમ કોર્ટ એડવોકેટ ર્નિમેશ દુબે દ્વારા ફાઇલ કરેલી આ અપીલને સવારે 10:30 વાગ્યે સુનાવણી કરશે.
બોમ્બે હાઈકોર્ટે અર્ણબ ગોસ્વામી અને અન્ય બે લોકોને વચગાળાના જામીન આપવાનો ઇનકાર કરતાં કહ્યું કે તેઓએ રાહત માટે નીચલી અદાલતમાં સંપર્ક કરવો જોઇએ. હાઈકોર્ટે એમ પણ કહ્યું હતું કે જો આરોપી તેમની ‘ગેરકાયદેસર ધરપકડ’ ને પડકાર આપે છે અને જામીન અરજી કરે છે, તો સંબંધિત નીચલી અદાલત ચાર દિવસમાં તેનો નિર્ણય લેશે.
દરમિયાન, મહારાષ્ટ્ર સરકારે તેના એડવોકેટ સચિન પાટિલ દ્વારા પણ કોર્ટમાં ચેતવણી નોંધાવી છે જેથી ગોસ્વામીની અરજી પર કોઈ પણ આદેશ સુનાવણી કર્યા વિના પસાર ન થાય. 4 નવેમ્બરના રોજ, ઇંટીરિયર ડિઝાઇનરની કંપનીનું લેણું ચૂકવ્યું ન હોવાના આરોપસર અનવય નાઇક અને તેની માતાને આત્મહત્યા કરવા દબાણ કરવાના આરોપમાં મહારાષ્ટ્રના રાયગઢ જિલ્લાના અલીબાગ પોલીસ સ્ટેશનની પોલીસે ધરપકડ કરવામાં આવી હતી.
