ભારતીય સેનાના જુનિયર કમિશન્ડ ઓફિસર (JCO)નું શુક્રવારે મણિપુરના થૌબલ જિલ્લામાં અસામાજિક તત્વો દ્વારા તેમના ઘરેથી અપહરણ કરવામાં આવ્યું હતું. અધિકારીઓએ આ માહિતી આપી હતી.
પરિવારના સભ્યોને પહેલાથી જ ધમકીઓ મળી રહી હતી
તેમણે કહ્યું કે જેસીઓની ઓળખ કોન્સમ ખેડા સિંહ તરીકે થઈ છે, જે ચરાંગપટ મામંગ લીકાઈના રહેવાસી છે. કોન્સમ ખેડા સિંહ શુક્રવારે રજા પર હતા. કેટલાક લોકો સવારે નવ વાગ્યે તેમના ઘરમાં ઘૂસી ગયા હતા અને તેમને વાહનમાં લઈ ગયા હતા. અધિકારીઓએ જણાવ્યું કે અપહરણ પાછળનું કારણ જાણી શકાયું નથી. આર્મી ઓફિસરના પરિવારજનોને અગાઉ પણ આવી ધમકીઓ મળી હતી.
સુરક્ષા એજન્સીઓએ સર્ચ ઓપરેશન શરૂ કર્યું
માહિતી મળતા જ તમામ સુરક્ષા એજન્સીઓએ જેસીઓને બચાવવા માટે સંયુક્ત સર્ચ ઓપરેશન શરૂ કર્યું હતું. નેશનલ હાઈવે-102 પર ચાલતા તમામ વાહનોની તપાસ કરવામાં આવી રહી છે. અપહરણનું કારણ જાણવા મળ્યું નથી. મણિપુરમાં સંઘર્ષની શરૂઆત પછી આ ચોથી ઘટના છે, જ્યારે રજા અથવા ફરજ પરના સૈનિકો અથવા તેમના સંબંધીઓને બદમાશો દ્વારા નિશાન બનાવવામાં આવ્યા છે.
ગયા વર્ષે પણ સેનાના એક જવાનનું થયું હતું અપહરણ
ગયા વર્ષે સપ્ટેમ્બરમાં, આસામ રેજિમેન્ટના ભૂતપૂર્વ સૈનિક સેર્ટો થાંગથાંગ કોમનું ખીણમાં સશસ્ત્ર જૂથ દ્વારા અપહરણ અને હત્યા કરવામાં આવી હતી. તેઓ લિમાખોંગ, મણિપરમાં ડિફેન્સ સર્વિસ કોર્પ્સ (DSC) સાથે પોસ્ટેડ હતા. બે મહિના પછી, એક સશસ્ત્ર જૂથે ચાર લોકોનું અપહરણ કર્યું જ્યારે તેઓ ચુરાચંદપુરના પહાડી જિલ્લાથી લિમાખોંગ તરફ વાહનમાં મુસાફરી કરી રહ્યા હતા. ચારેય જમ્મુ-કાશ્મીરમાં તૈનાત ભારતીય સેનાના જવાનોના પરિવારના સભ્યો હતા. પાંચમો સભ્ય (સૈનિકના પિતા) ઘાયલ થયા અને નાસી છૂટવામાં સફળ રહ્યો. બાદમાં સેના તેને સારવાર માટે દીમાપુર લઈ ગઈ. બાદમાં તેમને આસામના ગુવાહાટીની બેઝ હોસ્પિટલમાં દાખલ કરવામાં આવ્યા હતા.
એએસપીના ઘર પર પણ હુમલો કરવામાં આવ્યો હતો
આ વર્ષે 27 ફેબ્રુઆરીએ મણિપુર પોલીસના એડિશનલ સુપરિન્ટેન્ડેન્ટ ઓફ પોલીસ (ASP) પર ઇમ્ફાલ શહેરમાં તેમના ઘરે હુમલો કરવામાં આવ્યો હતો. આ કેસમાં હુમલાખોર જૂથની ઓળખ અરામબાઈ ટેંગોલ (એટી) તરીકે થઈ હતી. આ ઘટના બાદ મણિપુર પોલીસના કમાન્ડોએ ઈફાલ અને અન્ય વિસ્તારોમાં પોતાના હથિયારો નીચે ઉતારી દીધા હતા.
આ પણ વાંચો:ભારત સરકારે લશ્કર-એ-તોઈબાનો સભ્ય મોહમ્મદ કાસિમ ગુર્જરને આતંકવાદી જાહેર કર્યો
આ પણ વાંચો:વરુણ ગાંધીને સાઇડલાઇન કરી શકે છે ભાજપ, તો શું જેઠાણીના પગલે ચાલશે મેનકા?
આ પણ વાંચો:અમેઠીમાં રાહુલ ગાંધી અને સ્મૃતિ ઈરાની વચ્ચે મોટી લડાઈ નક્કી! કોંગ્રેસે આપ્યા મોટા સંકેતો
આ પણ વાંચો:ઘરેથી રમવા માટે નીકળેલા બાળકનું કપાયેલું મળ્યું માથું, એક મહિનાથી હતો ગુમ
આ પણ વાંચો:પૂર્વ સાંસદ ધનંજય સિંહ અભિનવ સિંઘલ અપહરણ કેસમાં દોષિત, સજા પર આવતીકાલે સુનાવણી
