પૃથ્વી આપણા કારણે નથી, આપણે પૃથ્વીના ( પર્યાવરણ ) કારણે છીએ. જેટલી જલ્દી આપણે આ સમજીશું, તેટલી વહેલી તકે આપણે આપણી વતન, ભૂમિને બચાવવાનું કાર્ય શરૂ કરી શકીશું. ગ્લોબલ વોર્મિંગ, ઓઝોન સ્તરનું ધીમે ધીમે પાતળું થવું, પ્રદૂષણ વગેરે સમસ્યાઓ ખૂબ મોટી અને ગંભીર છે. હા, આપણે એકલા આ સમસ્યાઓને દૂર કરી શકતા નથી, પરંતુ આપણે તેને ચોક્કસપણે અટકાવી શકીએ છીએ. કારણ કે હવે ધરતી માતાને બચાવવાનો સમય આવી ગયો છે અને આ માટે આપણે સૌએ હાથ મિલાવવાનું છે. શું તમે જાણો છો, મોટા પડદા પર આપણને હસાવનારા, રડાવનારા અને લાગણીશીલ બનાવનારા ફિલ્મી કલાકારો પણ પર્યાવરણ ની સુરક્ષા માટે દિવસ-રાત મહેનત કરે છે. હા, આ લિસ્ટમાં પ્રભાસથી લઈને અલ્લુ અર્જુન સુધીના નામ સામેલ છે. તેમના કામ વિશે અહી વાંચો. સાઉથના કલાકારોને પર્યાવરણ માટે આટલું કામ કરતા જોઇને એક વખત સવાલ થાય કે ગુજરાતી અભિનેતાઓએ પર્યાવરણ વિશેષ શું કર્યું છે? શું ભવિષ્યમાં ગુજરાતી ફિલ્મ ક્ષેત્રે સાઉથ ફિલ્મ ક્ષેત્રમાથી પ્રેરણા લઈને કશું કાર્ય કરવામાં આવશે? પર્યાવરણ
અલ્લુ અર્જુન તેની અભિનય કુશળતા તેમજ તેની પર્યાવરણીય સક્રિયતા માટે જાણીતો છે. અભિનેતાએ દરેક સંભવિત રીતે પૃથ્વીની નજીક રહેવા માટે વારંવાર પગલાં લીધાં છે. એક વિશ્વસનીય સ્ત્રોત મુજબ, “તેમના કાર્યસ્થળથી તેના ઘર સુધી, અભિનેતાએ પૃથ્વીને વધુ સારી જગ્યા બનાવવાના હેતુથી વિવિધ પ્રકારના વૃક્ષો વાવ્યા છે, જેની તે પોતે કાળજી લે છે.” એટલું જ નહીં, અભિનેતા જન્મદિવસના અવસર પર તેના પ્રિયજનોને નાના રોપા આપવાનું પણ પસંદ કરે છે, વનનાબૂદી વિશે વાત કરે છે અને ગ્લોબલ વોર્મિંગના વધતા મુદ્દાઓ પર ભાર મૂકે છે. તમને જણાવી દઈએ કે ગયા વર્ષે, વિશ્વ પર્યાવરણ દિવસના અવસર પર, અભિનેતાએ એક ભવ્ય અભિયાન શરૂ કર્યું હતું, જે અંતર્ગત અભિનેતાએ વિશ્વભરમાં તેના ચાહકોને વધુને વધુ વૃક્ષો વાવવા માટે પ્રોત્સાહિત કર્યા હતા.
બાહુબલી સ્ટાર પ્રભાસે હૈદરાબાદ નજીક ખાજીપલ્લી રિઝર્વ ફોરેસ્ટમાં 1,650 એકર જમીન ‘દત્તક’ લીધી છે અને તેના વિકાસ માટે સંબંધિત અધિકારીઓને ₹2 કરોડનો ચેક પણ આપ્યો છે, એમ સમાચાર એજન્સી પીટીઆઈએ અહેવાલ આપ્યો છે. તમને જણાવી દઈએ કે ખાજીપલ્લી રિઝર્વ ફોરેસ્ટ મોટી સંખ્યામાં ઔષધીય વનસ્પતિઓ માટે જાણીતું છે.
લોકપ્રિય તેલુગુ ફિલ્મ સ્ટાર જુનિયર એનટીઆર ઘણીવાર લોકોને પર્યાવરણના સંરક્ષણ વિશે જાગૃત કરે છે. આ ઉપરાંત તેઓ પર્યાવરણની નજીક રહેવા માટે વિવિધ પ્રકારના કામ પણ કરે છે. તાજેતરના અહેવાલો અનુસાર, NTRએ શંકરપલ્લીમાં સાડા છ એકર જમીન ખરીદી છે. NTRએ અહીં ઓર્ગેનિક ખેતી શરૂ કરવાની યોજના બનાવી છે. અમને જણાવી દઈએ કે જુનિયર NTR પર્યાવરણની જાળવણી કરવા માટે ઓર્ગેનિક ખેતીને પ્રોત્સાહન આપી રહ્યા છે.
અભિનેતા રામ ચરણ ઘણા વર્ષોથી રિન્યુએબલ એનર્જી સોલ્યુશન્સ વિશે લોકોને જાગૃત કરી રહ્યા છે. અભિનેતાએ એક કાર્યક્રમમાં લોકોને જાગૃત કરતાં કહ્યું કે ‘આપણે વૈકલ્પિક જીવનશૈલી વિશે જાગૃતિ ફેલાવવા માટે એક થવું જોઈએ જેથી કરીને આપણા ગ્રહના કુદરતી સંસાધનો વધુ નષ્ટ ન થાય તે માટે કાળજી લેવી જોઈએ.’
આ પણ વાંચો : આજે પ્રકૃતિને વધુ નજીકથી માણો અને આ માહિતી જાણો
