અરુણાચલ પ્રદેશમાં, આસામ રાઇફલ્સ પેટ્રોલિંગ ટીમ પર હુમલો થયાના અહેવાલો પ્રાપ્ત થઇ રહ્યા છે. સરકારી સુત્રોનાં હવાલાથી આ માહિતી મળી છે. કહેવામાં આવી રહ્યું છે કે આ શંકાસ્પદ આતંકી હુમલામાં એક સૈનિકનું મોત નીપજ્યું છે. કેટલા સૈનિકો ઘાયલ થયા છે, તેની કોઈ માહિતી મળી નથી. સેના દ્વારા ચેકિંગ ઝુંબેશ હાથ ધરવામાં આવી છે.
પ્રાપ્ત માહિતી અનુસાર, આ શંકાસ્પદ આતંકવાદી હુમલો અરુણાચલ પ્રદેશનાં તીરપ જિલ્લામાં સૈનલિયમ ટ્રાઇ-જંકશન સ્થિત ખોંસા લાજૂ રોડ પર થયો છે. આ વિસ્તાર ભારત-મ્યાનમાર સરહદથી બહુ દૂર નથી. સૂત્રો દ્વારા જણાવવામાં આવી રહ્યું છે કે આ હુમલા બાદ આ વિસ્તારમાં સઘન ચેકિંગ ઓપરેશન હાથ ધરવામાં આવ્યું છે.
