અમદાવાદના લોકો માટે એક માઠા સમાચાર છે, આગામી દિવસોમાં અમદાવાદની જીવાદોરી કહેવાતી બસ AMTS અને BRTSનું ભાડું વધી જશે. જી હા તાજેતરમાં જ AMCના હોદ્દેદાર અને કમિશનર વચ્ચે બેઠક મળવાની છે, જેમાં બસના ભાડામાં કરવાના વધારે ને લઈને નિર્ણય લેવામાં આવશે.
આ અગાઉ અમદાવાદમાં 2014માં બસના ભાડામાં વધારો કરવામાં આવ્યો હતો. ત્યારબાદ હવે આ અંગે AMC નિર્ણય કરવા જઈ રહી છે. એટલે કે ફરી એકવાર સામાન્ય માણસને તકલીફ વેઠવાની થઇ શકે છે. જો કે એ પણ સામે આવ્યું છે કે બંને જગ્યાએ ભાડા ને સરખા કરી દેવામાં આવશે. જેમાં મિનિમમ ભાડું 5 રૂપિયા બંને બસોમાં કરવામાં આવશે. એટલે કે AMTS બસના મિનિમમ ભાડા ૩ રૂપિયાથી વધારીને 5 રૂપિયા કરી દેવામાં આવશે. આ ઉપરાંત મિનિમમ ભાડું 5 રૂપિયા અને મેક્સિમમ 30 રૂપિયા કરી દેવામાં આવશે.
વિદ્યાર્થીને મળતા પાસનો ભાવ પણ વધારવામાં આવ્યો છે. જેમાં 300 રૂપિયાથી વધારીને તેને 400 રૂપિયા કરી દેવામાં આવ્યો છે. આ ઉપરાંત મનપસંદ ટીકીટ જે 35 રૂપિયાની મળતી હતી તેનો ભાવવધારીને 45 રૂપિયા કરી દેવામાં આવ્યો છે.
પેટ્રોલ અને ડીઝલના ભાવમાં વધારો થતા આ ભાડું વધારવાનો નિર્ણય કરવામાં આવ્યો છે. AMC હોદ્દેદારો અને કમિશનરની બેઠક મળશે અને તેમાં બંને બસોના ભાડાના વધારાને લઈને વાત કરવા આવશે. ભાજપના નેતા દ્વારા આ બાબતને લઈને સમંતિ આપી દેવામાં આવી છે. એટલે કે આગામી થોડાક દિવસોમાં આ અંગેની માહિતી તૈયાર કરી લોકો સુધી પહોચાડવામાં આવશે. આ ઉપરાંત બંને બસો ખોટમાં પણ ચાલી રહી છે.
આ પણ વાંચો:થરાદના ખેડૂતોએ 4થી5 વર્ષથી ઉછેરેલા દાડમનાં પાકમાં મોટું નુકસાન
આ પણ વાંચો:બિપોરજોયના કહેરથી ધરતી પુત્રને રોવાનો વારો, દિયોદરમાં બાજરીના પાકોનો સત્યાનાશ
આ પણ વાંચો:સુરતમાં રાજ્ય સરકારના મંત્રી મુકેશભાઈ પટેલના હસ્તે વૃક્ષારોપણ અભિયાનનો પ્રારંભ