વરસાદની મોસમમાં કેટલીક બીમારીઓ તમને સરળતાથી બીમારીનો શિકાર બનાવી શકે છે. આપણે દરેકે બદલાતી ઋતુમાં સાવધાન રહેવું જોઈએ કારણ કે આપણુ શરીર તે મુજબ પ્રતિક્રિયા કરે છે અને તેથી બીમાર પડવાનું જોખમ પણ વધે છે. હવે વરસાદની ઋતુની વાત કરીએ તો આ ઋતુમાં પાણીજન્ય રોગોનું જોખમ વધુ રહે છે. આ ઋતુમાં બને છે એવું કે બેક્ટેરિયા, વાયરસ અને ફૂગ ભેજના કારણે પોતાને મલ્ટીપ્લાઈ કરે છે અને ભેજ દ્વારા જ તમારા સુધી પહોચે છે. તેથી, આ ઋતુ કેટલાક અન્ય પ્રકારના જીવોને પણ જન્મ આપે છે જે તમને બીમાર કરી શકે છે. તો ચાલો જાણીએ વરસાદને કારણે થતી બીમારીઓ વિશે.
વરસાદમાં પાણીથી ફેલાતી આ 3 બીમારીઓથી સાવધાન રહો-
મચ્છરોથી થતા રોગો
વરસાદની ઋતુમાં મચ્છરોથી થતા રોગોમાં ઝડપથી વધારો થાય છે. જેમ કે મેલેરિયા, ડેન્ગ્યુ અને ચિકનગુનિયા. મચ્છરો માટે આ પ્રજનન ઋતુ છે અને તેઓ તેમના ઇંડા મૂકે છે. મેલેરિયા, ડેન્ગ્યુ અને ચિકનગુનિયા, ત્રણેયમાં અલગ-અલગ મચ્છરો છે અને તે ઝડપથી ફેલાય છે. તેથી વરસાદ પડતાની સાથે જ તેનાથી બચવાના પ્રયાસ શરુ કરો.
ગંદા પાણી અને ખોરાકથી થતા રોગો
આ ઋતુમાં ગંદા પાણી અને ખોરાકથી થતા રોગો વધુ પ્રમાણમાં જોવા મળે છે. જેમ કે ટાઈફોઈડ અને કોલેરા. આ બંને રોગો ન્હાતી વખતે, કપડાં ધોતી વખતે, પાણી પીતી વખતે અથવા દૂષિત પાણીના સંપર્કમાં આવવાથી થઈ શકે છે. તેથી આ રોગોથી સાવધાન રહો અને ગંદા પાણી અને દૂષિત ખોરાકથી બચો.
ઇન્ફેકશનથી
ક્યારેક તડકો તો ક્યારેક વરસાદ. હવામાનમાં આ ફેરફાર તમને બીમાર કરી શકે છે. ઉપરાંત, તમારી આસપાસ વધતા બેક્ટેરિયલ અને વાયરલ ચેપને કારણે, તમે ફ્લૂ અને તાવનો શિકાર બની શકો છો. તેથી આ ઋતુઓમાં ચેપથી બચો.
કેવી રીતે સુરક્ષિત રહેવું
વરસાદની બીમારીઓથી બચવા માટે સૌથી પહેલા તમારે એ વાતનું ધ્યાન રાખવું પડશે કે ચોખ્ખા પાણીનું સેવન કરો અથવા ઘરમાં પાણીની જગ્યા વિશે સાવચેતી રાખો. કુલર અને બગીચાના બાકીના ભાગમાં પાણીને પડ્યું ન રહેવા દો કેમ કે આમાં મચ્છર પ્રજનન કરી શકે છે. સાંજના સમયે ઘરના બારી-બારણા બંધ રાખો અને ઘરની બહાર નીકળતી વખતે તમારી સાથે છત્રી રાખો. આ ઉપરાંત ગરમ ખોરાક ખાઓ અને સ્વસ્થ રહો.
આ પણ વાંચો:Beauty Tips/બ્યુટી બ્લેન્ડરને આ રીતે કરો સાફ, નહીં તો ચહેરો ચમકવાને બદલે બગડશે
આ પણ વાંચો: અઠવાડિયાના આ દિવસે લોકોને સૌથી વધુ આવે છે હાર્ટ એટેક, સંશોધનમાં થયો મોટો ખુલાસો
આ પણ વાંચો:કેરી ખાવાથી પણ ઘટાડી શકાય છે વજન, જાણો ખાવાની સાચી રીત
