સંસદ ભવનની સુરક્ષા વ્યવસ્થાનો ભંગ કરીને લોકસભાની કાર્યવાહી દરમિયાન ગૃહમાં કૂદી પડનાર અને બહાર સ્મોક કલર એટેકનો માસ્ટર માઇન્ડ લલિત ઝા હોવાનું જાણવા મળ્યું છે. સુરક્ષા એજન્સીઓએ અત્યાર સુધીની તપાસમાં લલિત ઝા મુખ્ય સૂત્રધાર હોવાની આશંકા વ્યક્ત કરી છે. આ ઘટના પાછળ કોઈ મોટું ષડયંત્ર હોવાનું જણાય છે. લલિત ઝા ઝડપાયા બાદ તેના કાવતરા અંગે વધુ માહિતી બહાર આવશે.
તપાસ એજન્સીઓની પૂછપરછમાં આરોપીઓએ ખુલાસો કર્યો છે કે લલિત ઝાના કહેવા પર સ્મોક કલર એટેક માટે 13 ડિસેમ્બરની તારીખ નક્કી કરવામાં આવી હતી. લલિત ઝાએ તમામ આરોપીઓને ગુરુગ્રામમાં મીટિંગ માટે બોલાવ્યા હતા. લલિત ઝાએ જ કલર એટેકનો વીડિયો પોતાના મોબાઈલમાં શૂટ કરીને સોશિયલ મીડિયા પર અપલોડ કર્યો હતો.
ઘટના બાદથી લલિત ઝા ફરાર છે. લલિતનું છેલ્લું લોકેશન નીમરાના પાસે હતું, તેની શોધમાં ઘણી ટીમો સતત દરોડા પાડી રહી છે. લલિત ઝા સાથે સંકળાયેલ પશ્ચિમ બંગાળ NGOની પણ તપાસ શરૂ કરવામાં આવી છે. ભંડોળની પણ તપાસ કરવામાં આવશે. લલિત ઝા આ NGOના જનરલ સેક્રેટરી છે.
આ પણ વાંચો:
આ પણ વાંચો:
આ પણ વાંચો:
