બિપરજોય 14 જૂનના રોજ પૂર્વ તરફ વળ્યું, આ પહેલા વાવાઝોડું અરબી સમુદ્રમાં સતત 8 દિવસ સુધી ઉત્તર તરફ આગળ વધી રહ્યું હતું. ગરમ સમુદ્રની સપાટી પરના તાપમાનને કારણે, આ વાવાઝોડાએ વધુ સમય દરિયામાં વિતાવ્યો. આ પહેલા અરબી સમુદ્રમાં આટલા લાંબા સમય સુધી કોઈ તોફાન ટક્યું હોય તેવું જોવા મળ્યું નથી. વર્ષ 2019 માં ચક્રવાત ક્યાર લગભગ 9 દિવસ સુધી ચાલ્યું હતું. હવે બિપરજોયે તેનો રેકોર્ડ તોડી નાખ્યો છે.
IIT બોમ્બેના વિઝિટિંગ પ્રોફેસર રઘુ મુર્તુગુડ્ડેએ જણાવ્યું કે બિપરજોયના આટલા લાંબા સમય સુધી ટકી રહેવાનું કારણ અરબી સમુદ્રમાં હાજર ગરમ પાણી છે. આ પણ એક ઉદાહરણ છે કે કેવી રીતે હવામાન પરિવર્તન સતત અસર કરી રહ્યું છે. આ વાવાઝોડાને લાંબા સમય સુધી ટકી રહેવામાં મદદ કરે છે. તેમણે કહ્યું કે ચક્રવાત છ જૂનની સવારે બનવાનું શરૂ થયું, જ્યારે અરબી સમુદ્રમાં પાણીનું તાપમાન સામાન્ય કરતા વધુ ગરમ હતું. અરબી સમુદ્રના અસામાન્ય રીતે ગરમ પાણીએ ચક્રવાત બાયપરજોયને બે વાર સુપરચાર્જ કર્યું. જેના કારણે તેની સ્પીડ સતત વધી રહી હતી.
ગુજરાતના દરિયાકાંઠે પહોંચતા જ વાવાઝોડાની ઝડપ 100 કિમી પ્રતિ કલાકથી વધુ હતી. આ ચક્રવાત પહેલા તમામ પ્રકારની તૈયારીઓ કરવામાં આવી હતી અને લોકોને દરિયાકાંઠેથી દૂર કરવામાં આવ્યા હતા. લગભગ 1 લાખ લોકોને સલામત સ્થળે મોકલવામાં આવ્યા છે. આ જ કારણ છે કે અત્યાર સુધી કોઈ જાનહાનિની માહિતી સામે આવી નથી. જોકે લગભગ 22 લોકો ઘાયલ થયા છે અને ઘણા પ્રાણીઓના મોત થયા છે.
આ પણ વાંચોઃ Womens Death/ વડોદરામાં ભારે પવનના લીધે મહિલા પર દીવાલ પડતા મોત
આ પણ વાંચોઃ બિપરજોય આફ્ટર ઇફેક્ટ્સ/ ગુજરાતમાં લેન્ડફોલ પછી ચક્રવાત બિપરજોયને કારણે કોઈ મૃત્યુ નથી થયું: NDRF
આ પણ વાંચોઃ Delhi NCR Weather/ દિલ્હી NCRમાં વાતવરણમાં પલટો, આકરી ગરમી બાદ વરસાદે આપી રાહત
