ભારત દ્વારા આયોજિત ODI વર્લ્ડ કપ 2023 વચ્ચે એક ખરાબ સમાચાર આવી રહ્યા છે. ભારતના પૂર્વ દિગ્ગજ સ્પિનર બિશન સિંહ બેદીનું 77 વર્ષની વયે નિધન થયું છે. 1970ના દાયકામાં સ્પિન બોલિંગની પ્રખ્યાત ચોકડી (બેદી, પ્રસન્ના, ચંદ્રશેખર, રાઘવન)નો ભાગ બનેલા બિશન સિંહ બેદી હવે નથી રહ્યા. તેણે ટીમ ઈન્ડિયા માટે ઘણી મેચો પોતાના દમ પર જીતી હતી. તે તેની રહસ્યમય સ્પિન બોલિંગ માટે જાણીતો હતો.
બિશન સિંહ બેદીનો જન્મ 25 સપ્ટેમ્બર 1946ના રોજ અમૃતસરમાં થયો હતો. તે એક ઉત્તમ લેફ્ટ આર્મ બોલર હતો. તેમણે 1966 થી 1979 દરમિયાન ભારત માટે ટેસ્ટ ક્રિકેટ રમી હતી અને તે પ્રખ્યાત ભારતીય સ્પિન ચોકડીનો પણ એક ભાગ હતો. તેમણે 22 ટેસ્ટ મેચોમાં ભારતની કેપ્ટનશિપ પણ કરી હતી. તેમણે 67 ટેસ્ટ મેચમાં 266 વિકેટ લીધી હતી. તેણે પોતાની ફર્સ્ટ ક્લાસ ક્રિકેટ કારકિર્દી 1560 વિકેટ સાથે પૂરી કરી.
બેદીની આંતરરાષ્ટ્રીય ક્રિકેટ કારકિર્દી લગભગ 12 વર્ષ સુધી ચાલી
ભારતીય ટીમ સિવાય, પંજાબ માટે પોતાની ક્રિકેટ કારકિર્દીની શરૂઆત કરનાર બિશન સિંહ બેદીએ તેમનો મોટાભાગનો સમય દિલ્હીની રણજી ટીમ સાથે વિતાવ્યો, જેમાં તેઓ 1968માં જોડાયા હતા. બિશન સિંહ બેદીની આંતરરાષ્ટ્રીય ક્રિકેટ કારકિર્દી લગભગ 12 વર્ષ સુધી ચાલી. તેણે વેસ્ટ ઈન્ડિઝ સામે કોલકાતા (તે દિવસોમાં કલકત્તા) ટેસ્ટ મેચમાં આંતરરાષ્ટ્રીય ક્રિકેટમાં પદાર્પણ કર્યું હતું.
આ મેચ 31 ડિસેમ્બર 1966 થી 5 જાન્યુઆરી 1967 સુધી રમાઈ હતી. ત્યાર બાદ તેને માત્ર એક જ ઇનિંગમાં બોલિંગ કરવાનો મોકો મળ્યો અને તેણે બે વિકેટ ઝડપી. આ પછી, તેણે લીડ્સમાં 13 જુલાઈ 1974ના રોજ ઈંગ્લેન્ડ સામે તેની પ્રથમ વનડે મેચ રમી. પૂર્વ ભારતીય કેપ્ટન બિશન સિંહ બેદીએ પોતાની છેલ્લી આંતરરાષ્ટ્રીય મેચ ઈંગ્લેન્ડ સામે લંડન ટેસ્ટ મેચમાં રમી હતી. આ મેચ 30 સપ્ટેમ્બરથી 4 સપ્ટેમ્બર 1979 દરમિયાન રમાઈ હતી
આ પણ વાંચો: High Court/ આખરે સફાઈકર્મીઓને મળ્યો ન્યાય, હાઈકોર્ટએ વળતર ચૂકવવા સરકારને આપ્યો આદેશ
આ પણ વાંચો: Feature/ હાશ…આખરે WhatsAppમાં જેની જરૂર હતી તે ફીચર મળશે
આ પણ વાંચો: World Tourist Village/ ગુજરાતનું કયું ગામ વિશ્વના શ્રેષ્ઠ પ્રવાસન્ સ્થળોની યાદીમાં સામેલ?
