જ્યારે કોરોના વાયરસ આખા દેશમાં કહેર ફેલાવી રહ્યો છે. તો બીજી તરફ બોલિવૂડ સ્ટાર્સ માલદિવ વેકેશન્સ કરવામાં વ્યસ્ત છે. દેશભરમાં મોતની સંખ્યામાં સતત વધારો જોવા મળી રહ્યો છે. આ દરમિયાન માલદીવના સેલેબ્સની તસવીરો પણ વાયરલ થઈ રહી છે. જેના માટે સામાન્ય લોકો તેમ જ સાથી કલાકારો ખુબ જ ઠપકો આપી રહ્યા છે. હવે આ યાદીમાં અભિનેતા નવાઝુદ્દીન સિદ્દીકીનું નામ પણ જોડવામાં આવ્યું છે.
નવાઝુદ્દીન સિદ્દીકી, બોલીવુડના સેલેબ્સની માલદીવ્સ વેકેશન પર પણ નારાજ જોવા મળે છે. નવાઝુદ્દીને આવા સ્ટાર્સને આડે હાથે લીધા હતા. તાજેતરમાં નવાઝુદ્દીન સિદ્દીકીએ સ્પોટબોયને એક ઇન્ટરવ્યૂ આપ્યો હતો, જે દરમિયાન તેમણે કહ્યું હતું કે, ‘જ્યારે દુનિયા સૌથી મુશ્કેલ પરિસ્થિતિમાંથી પસાર થઈ રહી છે ત્યારે મનોરંજન જગતની આ હસ્તીઓ વેકેશનના ફોટા પોસ્ટ કરતી હોય છે. લોકો પાસે ખોરાક નથી અને તમે પૈસા ફેંકી રહ્યા છો. કોઈ વાતથી શરમ આવે. રજા પર જવાનું કંઈ ખરાબ બાબત નથી, તેમ છતાં તેને બતાવવું ખોટું છે.
નવાઝુદ્દીને આગળ કહ્યું, ‘પણ તે પછી તેઓ શું વાત કરશે. તેઓ બે મિનિટ પછી તેમાંથી બહાર આવશે. આ લોકોએ માલદીવ્સને તમાશો બનાવ્યો છે. મને ખબર નથી કે તેઓની પર્યટન ઉદ્યોગ સાથે શું સાઠ ગાંઠ છે, પરંતુ એક માણસ તરીકે, કૃપા કરીને આ રજાઓ તમારી પાસે રાખો. અહીં દરેક બાજુ ફક્ત મુશ્કેલી છે. દિવસે દિવસે કોવિડના કેસ વધી રહ્યા છે. થોડાક તો નરમ દિલ બનો મહેરબાની કરીને આ રીતે મુશ્કેલીમાં રહેલા વ્યક્તિઓની શરમ રાખો.
તે જ સમયે, જ્યારે નવાઝુદ્દીને પૂછવામાં આવ્યું કે માલદીવ વેકેશન્સમાં જવાની તેની યોજના છે? તો તેણે જવાબ આપ્યો, ‘માલદીવ્સની કોઈ યોજના નથી, હું મારા પરિવાર સાથે મારા વતન બુધનામાં છું, આ મારા માટે માલદીવ્સ છે. ‘ તમને જણાવી દઈએ કે અગાઉ ઘણા સેલેબ્સ માલદીવ વેકેશન્સમાં ગયા હતા. આમાં જાન્હવી કપૂર, ટાઇગર શ્રોફ, દિશા પટની, રણબીર કપૂર, આલિયા ભટ્ટનાં નામ શામેલ છે.
