ઘરેલૂ રસોઇ ગેસની સબસિડીવાળા રસોઇ ગેસ (LPG) સિલેંડર 2.08 રૂપિયા અને સબસિડી વિનાના સિલેંડરમાં 42.50 રૂપિયાનો વધારો થયો છે. સિલેંડરોની કિંમતમાં આ વધારો સતત 3 મહિનાના ઘટાડા બાદ કરવામાં આવ્યો છે.
ઇન્ડિયન ઓઇલ કોર્પોરેશન (IOC)એ એક નિવેદનમાં આ જાણકારી આપી છે. કંપનીનું કહેવું છે કે ઇંધણના વધતા જતાં બજાર મૂલ્ય પર પ્રભાવના લીધે વધારો જરૂરી થઇ ગયો હતો.
આ વધારા બાદ દિલ્હીમાં 1 માર્ચથી 14.2 કિલોગ્રામના સબસિડીવાળા રસોઇ ગેસ સિલેંડરની કિંમત 495.61 રૂપિયા થઇ થશે જે અત્યારે 493.53 રૂપિયા છે. તો બીજી તરફ સબસિડી વિનાના સિલિંડરની કિંમત 701.50 રૂપિયા થઇ જશે.
આ પહેલાં 1 ફેબ્રુઆરીના રોજ ઇન્ડિયન ઓઇલે કહ્યું હતું કે દિલ્હીમાં સબસિડીવાળા 14.2 કિલોગ્રામના ગેસ સિલેંડરની કિંમત 493.53 રૂપિયા હશે જે અત્યારે 494.99 રૂપિયા છે. આ પ્રકારે સબસિડી વિનાના 14.2 કિલોગ્રામના સિલેંડરની કિંમત પણ 30 રૂપિયા ઘટીને હવે 659 રૂપિયા પ્રતિ સિલેંડર કરવામાં આવી હતી.
