દિલ્હીના સીએમ અરવિંદ કેજરીવાલે જાહેરાત કરી હતી કે હવે ટ્રાન્સજેન્ડર સમુદાય માટે પણ દિલ્હી બસમાં મુસાફરી મફત હશે. સીએમએ કહ્યું કે ટૂંક સમયમાં તેને કેબિનેટ દ્વારા પાસ કરીને લાગુ કરવામાં આવશે. તેમણે આશા વ્યક્ત કરી કે આ નિર્ણયથી કિન્નર સમુદાયના લોકોને ઘણો ફાયદો થશે. દિલ્હીના સીએમએ કહ્યું કે આપણા સામાજિક વાતાવરણમાં વ્યંઢળ સમુદાયની મોટાભાગે ઉપેક્ષા કરવામાં આવે છે. આવું ન થવું જોઈએ, તેઓ પણ મનુષ્ય છે અને તેમને પણ સમાન અધિકાર છે.
દિલ્હીના સીએમએ કહ્યું, કિન્નર સમુદાય એ સમાજ છે, જેની આજ સુધી તમામ સમાજોએ ઉપેક્ષા કરી છે, તેમના માટે કોઈ કામ કરવામાં આવ્યું નથી. કોઈપણ પાર્ટીની સરકારે ટ્રાન્સજેન્ડર સમુદાય માટે કોઈ કામ કર્યું નથી. આજે મને તમને જણાવતા ખૂબ જ આનંદ થાય છે કે દિલ્હી સરકારે ટ્રાન્સજેન્ડર સમુદાય માટે એક મોટો નિર્ણય લીધો છે.
हमारे सामाजिक परिवेश में किन्नर समाज की काफ़ी उपेक्षा की जाती है। ऐसा नहीं होना चाहिए, वे भी इंसान हैं और उन्हें भी बराबर के अधिकार हैं। दिल्ली सरकार ने फ़ैसला किया है कि दिल्ली की बसों में अब किन्नर समाज के लिए भी सफ़र एकदम फ़्री होगा। जल्द ही इसे कैबिनेट से पास करके लागू कर… pic.twitter.com/3Wa560gKEk
— Arvind Kejriwal (@ArvindKejriwal) February 5, 2024
સીએમ કેજરીવાલે વધુમાં કહ્યું કે, “અમે નક્કી કર્યું છે કે કિન્નર સમુદાયના લોકો માટે દિલ્હીની બસોમાં મફત મુસાફરીની વ્યવસ્થા કરવામાં આવશે. જે રીતે અમે મહિલાઓને મફત મુસાફરી આપીએ છીએ, તેવી જ રીતે કિન્નર સમુદાયના તમામ લોકો પણ મફત મુસાફરી કરશે. મફત મુસાફરી આપવામાં આવી છે.” “આ નિર્ણય આગામી થોડા દિવસોમાં કેબિનેટ સમક્ષ લાવવામાં આવશે. એકવાર કેબિનેટના નિર્ણયની સૂચના આપવામાં આવશે, આ સુવિધા શક્ય તેટલી વહેલી તકે કાર્યરત કરવામાં આવશે. અમે આગામી થોડા અઠવાડિયામાં તેનો અમલ કરવાનો પ્રયાસ કરીશું.”
મુખ્યમંત્રીએ વધુમાં કહ્યું કે, “ઓક્ટોબર 2019માં અમે મહિલાઓ માટે મફત મુસાફરીની જાહેરાત કરી હતી. તે મહિલાઓમાં ખૂબ જ લોકપ્રિય બની હતી. લગભગ 14 લાખ મહિલાઓ દરરોજ દિલ્હીની બસોમાં મફત મુસાફરી કરે છે. મેં ઘણી મહિલાઓ સાથે વાત કરી છે. “ઓક્ટોબર 2019થી આજ સુધીમાં મહિલાઓને 147 કરોડ ફ્રી ટિકિટ આપવામાં આવી છે. હવે તેમાં ટ્રાન્સજેન્ડર સમુદાયના લોકોને પણ સામેલ કરવામાં આવ્યા છે. તેમને પણ આ સિસ્ટમનો લાભ મળશે.”
