Boston News: લોકસભા (Loksabha)માં વિપક્ષના નેતા અને કોંગ્રેસના સાંસદ રાહુલ ગાંધી (Rahul Gandhi) અમેરિકાના પ્રવાસે છે. અમેરિકા પહોંચ્યા બાદ રાહુલ ગાંધીએ અહીં ઉદ્યોગપતિઓ અને NRI સમુદાયના લોકો સાથે વાતચીત કરી હતી. રાહુલ ગાંધીએ અમેરિકાના બોસ્ટનમાં ભારતના ચૂંટણી પંચ પર નિશાન સાધ્યું છે. લોકસભામાં વિપક્ષે કહ્યું કે, “અમને એ વાત સ્પષ્ટ છે કે ચૂંટણી પંચે (Election Commission) સમાધાન કરી લીધું હોવાનું જણાઈ આવે છે અને એ વાત પણ સ્પષ્ટ છે કે સિસ્ટમમાં કંઈક ખોટું થઈ રહ્યું છે.”

રાહુલ ગાંધીએ શું કહ્યું?

રાહુલ ગાંધી (Rahul Gandhi)એ કહ્યું, “મેં આ ઘણી વાર કહ્યું છે… મહારાષ્ટ્ર વિધાનસભા ચૂંટણીમાં કુલ પુખ્ત વયના લોકો કરતાં વધુ લોકોએ મતદાન કર્યું. ચૂંટણી પંચે અમને સાંજે 5:30 વાગ્યા સુધીના મતદાનના આંકડા આપ્યા હતા અને 65 લાખ મતદારોએ સાંજે 5:30 થી 7:30 વાગ્યા સુધી મતદાન કર્યું હતું. આવું થવું શારીરિક રીતે અશક્ય છે. એક મતદારને મતદાન કરવામાં લગભગ 3 મિનિટ લાગે છે અને જો તમે ગણિત કરો તો તેનો અર્થ એ કે મતદારો સવારે 2 વાગ્યા સુધી કતારોમાં હતા, પરંતુ એવું થયું નહીં… જ્યારે અમે તેમની પાસે વીડિયોગ્રાફી માંગી, ત્યારે તેમણે માત્ર ના પાડી જ નહીં પરંતુ તેમણે કાયદો પણ બદલી નાખ્યો જેથી અમે હવે વીડિયોગ્રાફી (Videography) માટે ન કહી શકીએ.”

રાહુલ ગાંધીનો કાર્યક્રમ

આ પહેલા, ઇન્ડિયન ઓવરસીઝ (Indian Overseas) કોંગ્રેસના વડા સેમ પિત્રોડાએ ઇન્સ્ટાગ્રામ પર એક પોસ્ટમાં કહ્યું હતું કે, “રાહુલ ગાંધી, યુવાનો, લોકશાહી અને સારા ભવિષ્યનો અવાજ, અમેરિકામાં આપનું સ્વાગત છે.” ચાલો આપણે સાંભળીએ, શીખીએ અને સાથે મળીને નિર્માણ કરીએ.” રાહુલ ગાંધી તેમની યુએસ મુલાકાત દરમિયાન બ્રાઉન યુનિવર્સિટીમાં વ્યાખ્યાન પણ આપશે અને વિદ્યાર્થીઓ સાથે વાર્તાલાપ કરશે. રાહુલ ગાંધી NRIs તેમજ ઇન્ડિયન ઓવરસીઝ કોંગ્રેસ (IOC) ના સભ્યોને મળશે.

આ પણ વાંચો:રાજકોટ કાર અકસ્માતમાં ‘ડ્રાઈવર’ની આખરે ધરપકડ, પરિવારે મૃતદેહ સ્વીકાર્યો

આ પણ વાંચો:રાજકોટમાં નબીરા દ્વારા અકસ્માત કરવા મામલે હ્યુમન રાઇટ્સ વિભાગના આસિ.પ્રોફેસરનું નિવેદન આવ્યું સામે

આ પણ વાંચો:રાજકોટ સિટી બસ અકસ્માતમાં બસ સંપૂર્ણપણે ફિટ, કંપનીને માત્ર નજીવો દંડ; CCTV જોઈ ચોંકી જશો