સોમવારે, કોંગ્રેસના પૂર્વ અધ્યક્ષ રાહુલ ગાંધી ધ હેરાલ્ડ કેસમાં મની લોન્ડરિંગ કેસના સંબંધમાં એન્ફોર્સમેન્ટ ડિરેક્ટોરેટ ઓફિસ જઈ રહ્યા હતા ત્યારે હજારો કોંગ્રેસ કાર્યકરો રસ્તાઓ પર દેખાયા હતા. આવી સ્થિતિમાં, ત્યાં કેટલો સમય લાગશે તે અનુમાન લગાવવું મુશ્કેલ હતું. આ દરમિયાન સૌથી મહત્વની બાબત કોંગ્રેસના કાર્યકરો માટે ભોજનની વ્યવસ્થા હતી. દિલ્હી પોલીસે અટકાયતમાં લીધેલા કાર્યકરો માટે ભોજનની વ્યવસ્થા કરી હતી. પરંતુ કોંગ્રેંસ સાંસદે કહ્યું કે ભોજન વ્યવસ્થા સારી ન હતી અને તેનો વીડિયો કોંગ્રેસ સાંસદે સોશિયલ મીડિયા પર શેર કર્યો હતો.
તેલંગાણા કોંગ્રેસના પ્રભારી મણિકમ ટાગોરે પોતાના ટ્વિટર એકાઉન્ટ પર બે અલગ-અલગ વીડિયો શેર કર્યા છે. તેમના વીડિયોનું શીર્ષક હતું ફૂડ ફ્રોમ દિલ્હી પોલીસ(vs) ફૂડ ફ્રોમ દિલ્હી કોંગ્રેસ પ્રમુખ. કોંગ્રેસ સાંસદે એમ પણ કહ્યું કે આ ભોજન દિલ્હી પોલીસે કોંગ્રેસના કાર્યકર્તાઓને આપવામાં આવ્યું છે જેમને કોંગ્રેસના ટોચના નેતાના સમન્સનો વિરોધ કરવા બદલ અટકાયત કરવામાં આવી હતી. દિલ્હી પોલીસે અટકાયત કરાયેલા કોંગ્રેસના નેતાઓને ભોજનમાં પુરી અને શાક આપ્યુ હતુ. જયારે દિલ્હી કોંગ્રેસના અધ્યક્ષ અનિલ ચૌધરીએ કરેલી ભોજનની વ્યવસ્થામાં, દિલ્હીની એક પ્રખ્યાત ભોજનશાળામાં સારી રીતે પેક કરેલી ભોજનની થાળી છે જેને કોંગ્રેસના સાંસદ મણિકમ ટાગોરની મંજૂરી બાદ આપવામાં આવી હતી.
Food for the Congress workers detained by Delhi police #1/2 pic.twitter.com/zFDszi5FHa
— Manickam Tagore .B🇮🇳✋மாணிக்கம் தாகூர்.ப (@manickamtagore) June 14, 2022
બીજા ટ્વીટમાં બીજો વીડિયો શેર કરતા કોંગ્રેસ સાંસદે લખ્યું, “દિલ્હી કોંગ્રેસના ભાઈઓ સાથે લંચ ટાઈમ.” જયારે ટ્વિટર પર કેટલાક વપરાશકર્તાઓએ પણ આ ટ્વિટનો વિરોધ કર્યો. એક ટ્વિટર યુઝરે લખ્યું કે, “અહીં પાર્ટી થઈ રહી છે, વિરોધ નથી.” અન્ય એક ટ્વિટર યુઝરે લખ્યું – “શું આ VVIP ટ્રીટમેન્ટ પોસ્ટ કરવી જરૂરી હતી?”
It’s lunchtime With the brothers of @INCDelhi , AICC incharge for @INCChhattisgarh @plpunia , @INCDelhi president @Ch_AnilKumarINC SC dept @RajeshLilothia AICC secretary @qazinizamuddin @INCTamilNadu working president @DrJayakumarMP @RohtashBasoya @ashokbasoya #SatyagrahMarch pic.twitter.com/SlIQLi4QIR
— Manickam Tagore .B🇮🇳✋மாணிக்கம் தாகூர்.ப (@manickamtagore) June 14, 2022
નોંધનીય છે કે, સોમવારે કોંગ્રેસ કાર્યકર્તાઓ અને કેટલાક વરિષ્ઠ નેતાઓ દિલ્હીની સડકો પર સત્યાગ્રહ કરતા જોવા મળ્યા હતા. આ દરમિયાન નેતાઓ દિલ્હી પોલીસ સાથે લડતા પણ જોવા મળ્યા હતા. રાહુલ ગાંધીને EDના આહ્વાનના વિરોધમાં કોંગ્રેસના કાર્યકરો અને નેતાઓ સત્યાગ્રહના નામે દેશભરમાં રસ્તા પર ઉતરી આવ્યા હતા. આ દરમિયાન દિલ્હીમાં ઘણા વરિષ્ઠ નેતાઓ અને સાંસદો પણ દિલ્હી પોલીસ સાથે લડતા જોવા મળ્યા હતા. દિલ્હી પોલીસે કેટલાક નેતાઓ અને સાંસદોની અટકાયત પણ કરી હતી.