Delhi MCD election: કોંગ્રેસ દિલ્હી મ્યુનિસિપલ કોર્પોરેશન 2022ની ચૂંટણી માટે કમર કસી રહી છે. કોંગ્રેસે રાજ્ય ચૂંટણી સમિતિની જાહેરાત કરી છે. જેમાં દિલ્હી કોંગ્રેસના ઘણા નેતાઓ સામેલ થયા છે. ભારે મંથન બાદ કોંગ્રેસે ચૂંટણી સમિતિની જાહેરાત કરી છે. દિલ્હી મ્યુનિસિપલ કોર્પોરેશનની ચૂંટણી માટે કોંગ્રેસ દ્વારા જાહેર કરવામાં આવેલી ચૂંટણી સમિતિમાં પૂર્વ કેન્દ્રીય મંત્રી જગદીશ ટાઇટલરનું નામ પણ સામેલ છે. જગદીશ ટાઈટલરના નામ અંગે અસંમતિ અથવા તો વિવાદ હોઈ શકે છે. કારણ કે 1984ના દિલ્હી રમખાણોમાં જગદીશ ટાઇટલરનું નામ પણ સામે આવ્યું છે.
રાજધાની દિલ્હીમાં MCD ચૂંટણી માટે નામાંકનની પ્રક્રિયા 7 નવેમ્બરથી શરૂ થઈ ગઈ છે. નામાંકન ભરવાની છેલ્લી તારીખ 14 નવેમ્બર છે. ચૂંટણી પંચે નામાંકન પ્રક્રિયા માટે 68 રિટર્નિંગ ઓફિસરની નિમણૂક કરી છે. આ સાથે 250 આસિસ્ટન્ટ રિટર્નિંગ ઓફિસરની પણ નિમણૂક કરવામાં આવી છે. ચૂંટણી પંચે 11 જિલ્લાના ડીએમને જિલ્લા ચૂંટણી અધિકારી બનાવ્યા છે. નામાંકનની પ્રક્રિયા સવારે 11 થી બપોરે 3 વાગ્યા સુધી રહેશે. નોંધણી દરમિયાન કેન્દ્રથી 100 મીટરના અંતર સુધી રોડ શોને મંજૂરી આપવામાં આવી નથી. દિલ્હી મ્યુનિસિપલ કોર્પોરેશનની ચૂંટણી 4 નવેમ્બરે જાહેર કરવામાં આવી છે. ઈન્ટિગ્રેટેડ મ્યુનિસિપલ કોર્પોરેશનની ચૂંટણી 4 ડિસેમ્બરે યોજાશે અને 7 ડિસેમ્બરે મતગણતરી થશે. ચૂંટણીની જાહેરાત થતાની સાથે જ આદર્શ આચારસંહિતા પણ લાગુ થઈ ગઈ છે.
આ પણ વાંચો: Ajab Gajab News/’80 કરોડનો માલિક’, રાતોરાત અમીર બની ગયેલો વ્યક્તિ કન્યાની
