Tripura: ત્રિપુરાની રાજધાની અગરતલામાં કોંગ્રેસના સાંસદ અબ્દુલ ખાલિકના કાફલા પર પથ્થરમારો અને હુમલો કરવામાં આવ્યો હતો. આસામના કોંગ્રેસના સાંસદ અબ્દુલ ખાલિકે આક્ષેપ કર્યો હતો કે કોંગ્રેસ અને ડાબેરી નેતાઓના જૂથ પર હુમલો કરવામાં આવ્યો હતો. તેમણે કહ્યું, “તેઓ બીજેપીના કાર્યકરો છે અને તેઓએ અમારા પર હુમલો કર્યો અને પથ્થરમારો કર્યો. અમારા 3-4 વાહનોમાં તોડફોડ કરવામાં આવી. પોલીસે આ મામલે કંઈ કર્યું નહીં. અમને સમજાયું કે ત્રિપુરામાં કાયદાનું કોઈ શાસન નથી.”
વાસ્તવમાં, ત્રિપુરામાં ચૂંટણી પછીની હિંસાની સમીક્ષા કરવા માટે, ભારતીય કમ્યુનિસ્ટ પાર્ટી-માર્કસિસ્ટ (CPIM), કમ્યુનિસ્ટ પાર્ટી ઓફ ઈન્ડિયા (CPI) અને કોંગ્રેસના નેતાઓ શુક્રવારે અહીં પહોંચ્યા હતા. સીપીઆઈ સાંસદ બિનય વિશ્વમે ગુરુવારે ટ્વીટ કર્યું હતું કે ટીમ અહીં 12 માર્ચ સુધી રોકાય તેવી શક્યતા છે, ત્યારબાદ તે પોતાનો રિપોર્ટ રજૂ કરશે અને 13 માર્ચથી શરૂ થઈ રહેલા સંસદ સત્રમાં આ મામલો ઉઠાવશે.
Agartala, Tripura | Congress MP from Assam, Abdul Khaliq alleges attack on a group of Congress & Left leaders
He says, “They said they’re BJP workers & attacked us & pelted stones. 3-4 of our vehicles were vandalised. Police did nothing. We realised there’s no rule of law in… https://t.co/tyZeStUoxw pic.twitter.com/eZrDCRZrBx
— ANI (@ANI) March 10, 2023
સીપીઆઈ(એમ) રાજ્યના વરિષ્ઠ નેતા પવિત્ર કારના જણાવ્યા અનુસાર, પ્રતિનિધિમંડળને ત્રણ ટીમોમાં વહેંચવામાં આવ્યું હતું જે પશ્ચિમ ત્રિપુરા, સિપાહીજાલા અને ખોવાઈના અસરગ્રસ્ત જિલ્લાઓની મુલાકાત લેશે. પવિત્ર કારે દાવો કર્યો હતો કે 2 માર્ચે વિધાનસભા ચૂંટણીના પરિણામો જાહેર થયા બાદ રાજ્યમાં હિંસાની લગભગ 1,200 ઘટનાઓ બની છે.
પવિત્ર કારે જણાવ્યું હતું કે, “ઇજાઓ અને નુકસાનની ચોક્કસ સંખ્યા નક્કી કરી શકાઈ નથી કારણ કે ચૂંટણી પરિણામોની જાહેરાત પછી અસંખ્ય ઘટનાઓ બની છે.” ચૂંટણી પછીની હિંસા વિશે અધિકૃત અહેવાલ એકત્ર કરવા માટે એક પ્રક્રિયા શરૂ કરી છે.” મદદનીશ પોલીસ મહાનિરીક્ષક (AIG) – કાયદો અને વ્યવસ્થા જ્યોતિષમાન દાસ ચૌધરીએ શનિવારે કહ્યું હતું કે ચૂંટણી પછીની હિંસાના મોટાભાગના કેસ સિપાહીજાલા અને ખોવાઈ જિલ્લામાંથી નોંધાયા છે.
જ્યોતિષમાન દાસ ચૌધરીએ કહ્યું હતું કે આ જિલ્લાઓમાં કેટલાક લોકો ઘાયલ થયા હતા, જેમને નજીકના આરોગ્ય કેન્દ્રમાં લઈ જવામાં આવ્યા હતા. તમને જણાવી દઈએ કે 2 માર્ચે ત્રિપુરા વિધાનસભા ચૂંટણીના પરિણામો જાહેર થયા હતા. ચૂંટણી પરિણામોમાં ભાજપને સ્પષ્ટ બહુમતી મળી છે, જ્યારે કોંગ્રેસ-ડાબેરી ગઠબંધનનો પરાજય થયો છે.
