Global Market Relief 2026: ભારત સહિત વિશ્વભરના નાગરિકો માટે આજે 6 મેનો દિવસ આર્થિક રાહતના સમાચાર લઈને આવ્યો છે. પશ્ચિમ એશિયામાં ચાલી રહેલા અમેરિકા અને ઈરાન વચ્ચેના વિવાદમાં નરમાશ આવવાના અહેવાલોથી વૈશ્વિક બજારમાં સકારાત્મક અસર જોવા મળી છે. ખાસ કરીને ક્રૂડ ઓઈલની કિંમતોમાં ધરખમ ઘટાડો થતા મોંઘવારીનો માર સહન કરી રહેલી જનતાને મોટી શાંતિ મળી છે.
Crude Oil ની કિંમતમાં 6 ટકાનો ગાબડું
મીડિયા રિપોર્ટ્સ અનુસાર, અમેરિકા અને ઈરાન યુદ્ધ સમાપ્ત કરવાની સમજૂતી પર રાજી થવાની તૈયારીમાં છે. આ સમાચારની અસર સીધી તેલના ભાવો પર પડી છે:
બ્રેન્ટ ક્રૂડમાં ઘટાડો: વૈશ્વિક બજારમાં બ્રેન્ટ ક્રૂડ 7 ટકા ઘટીને 102.51 ડોલર પ્રતિ બેરલ પર ટ્રેડ થઈ રહ્યું છે.
પ્રોડક્શનમાં વધારો: ઓપેક (OPEC) દેશો અને UAE દ્વારા ક્રૂડ ઓઈલનું ઉત્પાદન વધારવાની જાહેરાત કરવામાં આવી છે, જેના કારણે સપ્લાય વધશે અને કિંમતોમાં સ્થિરતા આવશે.
ભારતને થશે સૌથી મોટો ફાયદો
ભારત પોતાની જરૂરિયાતનું આશરે 80 ટકા ક્રૂડ ઓઈલ (Crude Oil )આયાત કરે છે. તેલના (Crude Oil) ભાવ ઘટવાથી ભારતના અર્થતંત્ર પરનું દબાણ હળવું થશે:
પેટ્રોલ-ડીઝલના ભાવ: છેલ્લા ઘણા સમયથી તેલના ભાવ વધવાની જે અટકળો ચાલતી હતી તે હવે શાંત પડી છે. ક્રૂડ (Crude Oil)સસ્તું થતા પેટ્રોલ અને ડીઝલના ભાવ વધવાની શક્યતા નહિવત્ છે.
LPG અને એવિએશન: જો હોર્મુઝ જળમાર્ગ સંપૂર્ણ રીતે ખુલ્લો થશે તો ગેસની સપ્લાય વધશે, જેનાથી LPG ના ભાવોમાં પણ રાહત મળી શકે છે. આ ઉપરાંત મોંઘા ઈંધણને કારણે દબાણમાં રહેલા એવિએશન સેક્ટરને પણ મોટી રાહત મળશે.
શેરબજાર અને સોના-ચાંદીમાં ઉછાળો
યુદ્ધનો ભય ટળતા શેરબજારમાં અચાનક તેજી જોવા મળી છે. રોકાણકારોનો આત્મવિશ્વાસ વધતા સેન્સેક્સ અને નિફ્ટીમાં ઉછાળો આવ્યો છે. બીજી તરફ, સોના અને ચાંદીના ભાવમાં પણ તેજીના સંકેતો મળી રહ્યા છે, જે બજારમાં સ્થિરતા આવવાની નિશાની છે.
ટૂંકમાં, પશ્ચિમ એશિયાના તણાવમાં ઘટાડો થવાથી માત્ર ઉર્જા ક્ષેત્ર જ નહીં પરંતુ સામાન્ય નાગરિકોના ખિસ્સા પર પડતો મોંઘવારીનો બોજ પણ ઓછો થવાની આશા જાગી છે.
આ પણ વાંચો :તેલના ભંડારમાં ગાબડું, એશિયાના અર્થતંત્ર પર જોખમ; ભારત સૌથી વધુ પ્રભાવિત દેશોમાં સામેલ
આ પણ વાંચો :ગેસના ભાવમાં 1300નો વધારો, ભારતનું નામ આગળ ધરી અમેરિકાએ ચીન અને ઈરાન પર દબાણ વધાર્યું
આ પણ વાંચો : પાકિસ્તાનમાં પેટ્રોલ-ડીઝલ ₹400 ને પાર, નેપાળમાં ડીઝલના ભાવમાં ₹12 નો મોટો ઘટાડો
