દેશમાં અત્યારે ભીષણ ગરમીનો માહોલ છે. ગરમીના પ્રકોપની વચ્ચે વાવાઝોડાની આફત દેખાઈ રહી છે. બંગાળમાં ચક્રવાત રેમલ તીવ્ર ગતિએ આગળ વધતા IMDએ એલર્ટ જારી કર્યું. IMD મુજબ ચક્રવાત રેમાલ રવિવારે બાંગ્લાદેશના દરિયકાંઠે ટકરાશે. જેના બાદ બંગાળ, ઓડિશા, મિઝોરમ, ત્રિપુરા અને દક્ષિણ મણિપુરના તટીય જિલ્લાઓમાં ભારે વરસાદની હવામાન વિભાગે સંભાવના વ્યક્ત કરી. આ સાથે માછીમારોને 27મે સુધી બંગાળની ખાડીમાં ના જવાની સલાહ આપી.
પ્રિ-મોન્સુન સીઝન દરમિયાન બંગાળની ખાડીમાં વારંવાર તોફાનો આવે છે. આ વખતે પણ હવામાન વિભાગ (IMD) એ કહ્યું છે કે ચક્રવાતી તોફાન રેમાલ 26 મેના રોજ આવશે. પરંતુ આ વખતે તોફાન પશ્ચિમ બંગાળમાં ચૂંટણી દરમિયાન તબાહી મચાવી શકે છે. હવામાન વિભાગના જણાવ્યા અનુસાર ચક્રવાતી તોફાન રેમાલ 26 મેના રોજ 100 કિલોમીટર પ્રતિ કલાકની ઝડપે બાંગ્લાદેશ સાથે ટકરાશે.
100 કિલોમીટર પ્રતિ કલાકની ઝડપે પવન ફૂંકાશે
આ સમયગાળા દરમિયાન બંગાળના કેટલાક જિલ્લાઓમાં 80 થી 100 કિલોમીટર પ્રતિ કલાકની ઝડપે તોફાની પવન ફૂંકાશે. બંગાળની ખાડીમાં વિકસતું આ વાવાઝોડું 25 મેના રોજ ડીપ ડિપ્રેશનમાં ફેરવાઈ જશે અને 26 મેના રોજ સવારે ચક્રવાતી તોફાનમાં ફેરવાઈ જશે. હવામાન વિભાગના જણાવ્યા અનુસાર, આ ચક્રવાતને કારણે પશ્ચિમ બંગાળના મિદનાપુર, દક્ષિણ 24 પરગણા, ઉત્તર 24 પરગણામાં ભારે અસર પડશે.
ભારે વરસાદનું એલર્ટ
રેમાલ ચક્રાવાતના કારણે આ જિલ્લાઓમાં 25મીથી 40 થી 50 કિલોમીટર પ્રતિ કલાકની ઝડપે તોફાની પવનો ફૂંકાશે અને 26મીએ પવનની ઝડપ 80થી 100 કિલોમીટરની વચ્ચે રહેશે. આવી સ્થિતિમાં વ્યાપક નુકસાન થવાની આશંકા છે. આ સિવાય હવામાન વિભાગ દ્વારા કોલકાતા, હાવડા, નાદિયા અને ઝારગ્રામ જિલ્લામાં ઓરેન્જ એલર્ટ જાહેર કરવામાં આવ્યું છે. માછીમારોને દરિયામાં જવાની મનાઈ ફરમાવવામાં આવી છે. હવામાન વિભાગના જણાવ્યા અનુસાર, 26મીએ બાંગ્લાદેશમાં લેન્ડફોલ થયા બાદ પણ પશ્ચિમ બંગાળમાં 27મી સુધી ભારે વરસાદ અને તેજ પવન ચાલુ રહેશે.
બંગાળની ખાડી અને ચક્રવાત
તમને જણાવી દઈએ કે સામાન્ય રીતે હિંદ મહાસાગરમાં પ્રી-મોનસૂન અને ચોમાસા દરમિયાન તોફાનો આવે છે. આ વાવાઝોડું અરબી સમુદ્ર અથવા બંગાળની ખાડી ઉપર બને છે. આ વર્ષે, પ્રિ-મોન્સૂન દરમિયાન એટલે કે એપ્રિલ અને જૂનની વચ્ચે (ભારતમાં ચોમાસું મજબૂત ન થાય ત્યાં સુધી) વાવાઝોડાની શક્યતા ઓછી હતી. જો કે આ વખતે ચોમાસામાં ભારે તોફાન આવવાના છે. ગયા વર્ષે 2023 માં, બંગાળની ખાડી પર અત્યંત તીવ્ર ચક્રવાતી તોફાન ‘મોચા’ આવ્યું હતું. લાંબી દરિયાઈ મુસાફરી પછી, વાવાઝોડું મ્યાનમાર તરફ આગળ વધ્યું અને 14 મે 2023 ના રોજ સિત્તવે નજીક દરિયાકાંઠાને પાર કર્યું.
રેમાલ ચક્રાવાત એ વર્ષનું પ્રથમ પ્રી-મોન્સુન વાવાઝોડું છે. આ વખતે એપ્રિલ મહિનામાં કોઈ વાવાઝોડું આવ્યું નથી અને આ વર્ષનું પ્રથમ પ્રિ-મોન્સુન તોફાન મે મહિનામાં આવી રહ્યું છે. જો કે, પ્રિ-મોન્સુન તોફાનો એપ્રિલ કરતાં મે મહિનામાં વધુ વખત આવે છે અને તેમની સંખ્યા અરબી સમુદ્ર કરતાં બંગાળની ખાડી પર વધારે છે.
5 વર્ષથી એપ્રિલમાં કોઈ વાવાઝોડું આવ્યું નથી
છેલ્લા 5 વર્ષથી હિંદ મહાસાગરમાં એપ્રિલ મહિનામાં કોઈ વાવાઝોડું સર્જાયું નથી. રેકોર્ડ્સ અનુસાર, છેલ્લી વખત એપ્રિલ 2019 માં બંગાળની ખાડી પર અત્યંત તીવ્ર ચક્રવાતી વાવાઝોડું ‘ફાની’ આવ્યું હતું. ફાની એ CAT-V સમકક્ષ તોફાન હતું, જે 26 એપ્રિલ, 2019 ના રોજ રચાયું હતું. આ ચક્રવાત, લાંબી દરિયાઈ યાત્રા પર પુરીને પાર કર્યા પછી, 3 મેના રોજ ઓડિશા નજીકના દરિયાકાંઠે અથડાયું હતું.
આ પણ વાંચો: ચંપારણમાં જતા પહેલા CM યોગી આદિત્યનાથનું હેલિકોપ્ટર રસ્તામાં ખોવાયું, પાયલોટની સમયસૂચકતા
આ પણ વાંચો: ગૃહમંત્રી અમિત શાહ આજે આરામાં કરશે જાહેરસભા અને રેલી, મંત્રી અને સાંસદોનો થશે જમાવડો
આ પણ વાંચો:અંબાલાથી વૈષ્ણોદેવીના દર્શન જતી મીની બસનો થયો ભયંકર અકસ્માત, 7ના મોત અને 20 ઘાયલ
