ભારતના રહેવાસીઓને યુનિક આઈડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા આધાર કાર્ડ મફત આપવામાં આવે છે, જેનો ઉપયોગ કંપનીઓ અને સરકારી સંસ્થાઓ દ્વારા KYC વેરિફિકેશન સાથે પ્રોફાઇલ જાળવવા માટે કરવામાં આવે છે. UIDAI માત્ર રહેવાસીઓની સુવિધા માટે જ લાંબો આધાર જારી કરતું નથી, પરંતુ યુનિક આઈડેન્ટિફિકેશન ઓથોરિટી ઓફ ઈન્ડિયા દ્વારા પૂરા પાડવામાં આવેલ આધારના બીજા ઘણા પ્રકારો છે.
શું તમે જાણો છો કે દેશમાં કેટલા પ્રકારના આધાર જારી કરવામાં આવે છે?
આધાર લેટર
આ કાગળ આધારિત લેમિનેટેડ પત્ર છે. તેમાં જાહેર કરવાની તારીખ અને પ્રિન્ટની તારીખ સાથે સુરક્ષિત QR કોડ પણ છે. આધાર લેટર નિવાસીઓને પોસ્ટ દ્વારા મફત મોકલવામાં આવે છે. પરંતુ જો તે ખોવાઈ જાય તો તમારે નવા આધાર લેટર માટે 50 રૂપિયા ચૂકવવા પડશે. નોંધણી પછી, આધાર જનરેટ કરવામાં 90 દિવસ જેટલો સમય લાગે છે.
ઈ-આધાર
ઈ-આધાર એ આધારની જ સુરક્ષિત ઈલેક્ટ્રોનિક નકલ છે. તે ડિજિટલી સહી થયેલ છે. આધાર એક્ટ મુજબ, ઈ-આધાર એ આધારની ભૌતિક નકલ તરીકે તમામ હેતુઓ માટે સમાન રીતે માન્ય છે. તમે UIDAIની વેબસાઈટ પર જઈને ઈ-આધાર ડાઉનલોડ કરી શકો છો. તેની ખાસ વિશેષતા એ છે કે માસ્ક્ડ આધાર હેઠળ, તમે તમારા ડાઉનલોડ કરેલ ઈ-આધારમાં તમારો નંબર છુપાવી શકો છો.
એમ આધાર
એમ આધાર એ UIDAI દ્વારા વિકસિત એક અધિકૃત મોબાઇલ એપ્લિકેશન છે. કોઈપણ તેને ઇન્સ્ટોલ કરી શકે છે. એપ રહેવાસીઓ માટે Google Play Store અને iOS પર ડાઉનલોડ કરવા માટે ઉપલબ્ધ છે. તેમાં ઓફલાઇન ચકાસણી માટે આધાર સુરક્ષિત QR કોડ પણ છે. ઈ-આધારની જેમ, એમ આધાર પણ દરેક આધાર નોંધણી અથવા અપડેટ સાથે જનરેટ થાય છે અને તેને મફતમાં ડાઉનલોડ કરી શકાય છે.
આધાર PVC કાર્ડ
આધાર PVC કાર્ડ એ UIDAI દ્વારા રજૂ કરવામાં આવેલ આધારનું સૌથી નવું સ્વરૂપ છે. તેને ગમે ત્યાં સરળતાથી લઈ જઈ શકાય છે. PVC આધારિત આધાર કાર્ડમાં ડિજિટલી સહી કરેલ આધાર સુરક્ષિત QR કોડ હોય છે. તેમાં ફોટો અને વસ્તી વિષયક માહિતી સાથે ઘણી સુરક્ષા સુવિધાઓ છે. તે uidai.gov.in અથવા Resident.uidai.gov.in દ્વારા ઓનલાઈન લઈ શકાય છે. આ માટે તમારે 50 રૂપિયા ચૂકવવા પડશે. આધાર PVC કાર્ડ સ્પીડ પોસ્ટ દ્વારા ઘરે પહોંચાડવામાં આવે છે.
આ પણ વાંચો: ગૃહ રાજ્યમંત્રી હર્ષ સંઘવી પહોંચ્યા ગ્રીષ્માની પ્રાર્થના સભામાં, પરિવારજનોને પાઠવી સાંત્વના
આ પણ વાંચો:ATSએ ગુજરાતમાં 50 થી વધુ ગેરકાયદેસર પિસ્તોલની ખેપ કરી જપ્ત, 24 લોકોની ધરપકડ
