ચીનથી ફેલાયેલી વિશ્વવ્યાપી મહામારી કોરોના એ 210 થી વધુ દેશોમાં પોતાનો કહેર ફેલાવ્યો છે. રોગચાળો ફેલાયો તેને ૧૦ મહિના કરતા વધુ સમય થઇ ચુક્યો છે. પરંતુ તેની વિનાશકતા હજુ પણ એવી જ છે. દેશમાં લાંબા સમયથી લોકડાઉન હતું. અને હવે ધીરે ધીરે બધી પ્રવૃત્તિઓ શરૂ કરવામાં આવી છે.
ઘણા તહેવારો કોરોના સમયગાળા દરમિયાન પસાર થયા. દશેરા પછી દીપાવલી પણ કોરોનાના કહેર વચ્ચે વિતાવશે. આ વખતે, કોરોના વાયરસને કારણે, નિષ્ણાંતોની અપીલ છે કે લોકોએ આ વખતે ફટાકડાથી દુર રહેવું જોઈએ. તેમનું કહેવું છે કે શરદી અને પ્રદૂષણનો બેવડો માર રોગને વધારી શકે છે. ખાસ કરીને, તે કોવિડના ચેપગ્રસ્ત દર્દીઓ અને તેનાથી સાજા થતાં દર્દીઓને પણ અસર કરી શકે છે.
Corona Vaccine / વૈજ્ઞાનિકોએ તૈયાર કરી સુપર વેક્સીન, વાઈરસ ગમે તે રૂપ ધારણ કર…
નિષ્ણાતો ચેતવણી આપી રહ્યા છે કે આ વખતે ઠંડી અને પ્રદૂષણથી કોરોના ખતરનાક સ્વરૂપ ધારણ કરી શકે છે. તેથી દીપાવલીમાં ફટાકડાથી દુર રહેવાની સલહ આપવામાં આવી છે. નિષ્ણાતોના મત અનુસાર ફટાકડા ફોડ્યા બાદ તેનો ધુમાડો અને નાના કણો હવામાં ભળી જાય છે, જેને આપણે એરોસોલ કહીએ છીએ, જેના દ્વારા કોવિડનો વાયરસ ફેલાય છે.
politics / બિહારના રાજકારણમાં પરિણામ બાદ નવા સમીરણો રચવાના સંકેત…
દિલ્હી-એનસીઆર અને અન્ય મેટ્રો શહેરોમાં હવામાં અત્યારથી જ પ્રદુષણનું પ્રમાણ વધવા માંડ્યું છે. શિયાળામાં હવાનું પ્રદૂષણ વધે છે અને આવી સ્થિતિમાં વાયરલ ઇન્ફેક્શન વધવાનું શરૂ થાય છે. દીપાવલીમાં ફટાકડા સળગાવવાથી પ્રદૂષણ વધશે અને આને કારણે અસ્થમા, અસ્થમાના દર્દીઓ અને કોવિડ દર્દીઓને શ્વાસ લેવાની તકલીફ વધારે થઇ શકે છે.
નિષ્ણાંતોના જણાવ્યા મુજબ, જેમ જેમ હવાનું પ્રદૂષણ વધતું જાય છે તેમ, નીચી ઉંચાઈએ ધૂળ એકઠી થાય છે, જેના કારણે વાયરસ હવામાં લાંબા સમય સુધી રહે છે. આવી સ્થિતિમાં, વધુ લોકોને ચેપ લાગવાની સંભાવના છે. કોવિડ -19 ની પહેલેથી જ પકડમાં રહેલા લોકો માટે આ સ્થિતિ વધુ ઘટક થશે. ખાસ કરીને એવા લોકો માટે કે જેમના ફેફસાં પર વાયરસે તીવ્ર અસર કરી છે.
ડો. મિશ્રા કહે છે કે કોવિડથી ચેપ લાગતા મોટાભાગના દર્દીઓના ફેફસાં પર અસર પડે છે. ઘણા દર્દીઓ કોરોનામાંથી સ્વસ્થ થયા પછી, આ અસર ફેફસાં પર રહે છે, જેને પલ્મોનરી ફાઇબ્રોસિસ કહેવામાં આવે છે. તે રીકવરી માટે લાંબો સમય લે છે. તેઓ કહે છે કે કોવિડ ચેપગ્રસ્ત દર્દી અથવા કોવિડથી સાજા થતાં દર્દી બંને પર વાયુ પ્રદૂષણની ખરાબ અસર પડશે. તેમની સલાહ છે કે આ વર્ષે ફટાકડાથી અંતર રાખવું શ્રેષ્ઠ રહેશે.
