- ટ્રમ્પનો UN ક્લાઇમેટ સમિટમાં પહોંચવાનો કોઈ કાર્યક્રમ નહોતો
- માત્ર 15 મિનિટ માટે અણધારી રીતે પહોંચ્યા ટ્રમ્પ
- હવામાન પરિવર્તન વિશે PM મોદીનું ભાષણ સાંભળ્યું
- ભારત માટે આ છે મહત્વપૂર્ણ ઘટના.
યુએસના રાષ્ટ્રપતિ ડોનાલ્ડ ટ્રમ્પનો હવામાન પરિવર્તન અંગે યુએન સમિટમાં પહોંચવાનો કોઈ કાર્યક્રમ નહોતો, પરંતુ તેઓ અચાનક સોમવારે UN ક્લાઇમેટ સમિટમાં પહોંચ્યા હતા. રસપ્રદ વાત એ છે કે, ફક્ત 15 મિનિટ માટે અણધારી રીતે પહોંચેલા ટ્રમ્પે હવામાન પરિવર્તન અંગે વડા પ્રધાન નરેન્દ્ર મોદીનું ભાષણ સાંભળ્યું હતું અને બિરદાવતા જોવા મળ્યા હતા. ત્યારબાદ તેમણે જર્મન ચાન્સેલર એન્જેલા મર્કેલનું ભાષણ સાંભળ્યું અને ત્યારબાદ સભાગૃહ છોડ્યું હતું.
રવિવારે હ્યુસ્ટનમાં ‘હાઉડી મોદી’ કાર્યક્રમમાં વડા પ્રધાન નરેન્દ્ર મોદીની સાથે આવેલા ડોનાલ્ડ ટ્રમ્પને ફરી એક વાર તેમના ભાષણ સુધી પહોંચવું, તે મહત્વપૂર્ણ માનવામાં આવે છે. ટ્રમ્પ પાસે આ પરિષદમાં ભાગ લેવા માટેનો કોઈ કાર્યક્રમ નહોતો. રાષ્ટ્રપતિએ ધાર્મિક સ્વતંત્રતા પરના કાર્યક્રમમાં જવા પહેલાં 10 મિનિટ PM મોદીને ધ્યાનથી સાંભળ્યા હતા.
આપને જણાવી દઈએ કે રાષ્ટ્રપતિ ટ્રમ્પે વૈશ્વિક તાપમાનના કૃત્રિમ કારણો પર સંપૂર્ણ વૈજ્ઞાનિક સહમતિ અંગે વારંવાર શંકા વ્યક્ત કરી છે. તેઓએ ગ્રીનહાઉસ ગેસના ઉત્સર્જનને ઘટાડવા પર કેન્દ્રિત આંતરરાષ્ટ્રીય કરારોથી યુએસને અલગ કરી દીધા છે.
નોંધપાત્ર વાત એ છે કે ડોનાલ્ડ ટ્રમ્પની આબોહવા સમિટમાં ભાગ લેવાની કોઈ યોજના નહોતી. આ માટે ડેમોક્રેટ્સ અને આબોહવા કાર્યકરો દ્વારા તેની નિંદા કરવામાં આવી હતી. એવું માનવામાં આવે છે કે, ઘરેલું રાજકારણમાં દબાણને કારણે ટ્રમ્પે આ સમિટમાં ભાગ લેવાનો નિર્ણય લેવો પડ્યો છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
