- વડોદરામાં એટીએસને મળી મોટી સફળતા
- વડોદરાના સિંધરોટ ગામમાં ડ્રગ્સની ફેકટરી પકડાઈ
- MD ડ્રગ્સ બનાવવાની બાતમીને આધારે દરોડા
- છેલ્લા ઘણા સમયથી બનતું હતું ડ્રગ્સ
- ફેકટરીમાં ડ્રગ્સનું મટીરીયલ કે કેમિકલ તેની તપાસ
- FSLની ટીમને સાથે રાખી કરાઇ રહી છે તપાસ
ગુજરાતના વડોદરાના સિંધરોટ ગામમાથી ડ્રગ્સ મામલે મોટા સમાચાર સામે આવી રહ્યા છે. રાજ્યમાં છેલ્લા ઘણા સમયથી ડ્ર્ગ્સ પકડાઇ રહ્યું જેના લીધે સમગ્ર રાજય બદનામ થઇ રહ્યું છે. ગુજરાત ડ્રગ્સનો હબ બની રહ્યું છે. વડોદરામાંથી ડ્ર્ગ્સ બનાવવાની ફેકટરી પકડાઇ છે. વડોદરાના સિંધરોટ ગામમાં MD ડ્રગ્સ બનાવતી મોટી ફેકટરીને એટીએસે પકડી પાડી છે. આ ફેકટરી પકડાતા ગામમાં ખળભળાટ મચી ગયો હતો.
પ્રાપ્ત માહિતી અનુસાર વડોદરા જિલ્લાના સિંધરોડ ગામમાંથી ડ્રગ્સ બનાવતી ફેકટરી પકડાઇ છે,રાજયની એટીએસ પોલીસને મોટી સફળતા સાંપડી છે. પોલીસને બાતમી મળી હતી કે સિંધરોટ ગામમાં MD ડ્રગ્સ બનાવતી ફેકટરી કાર્યરત છે જેના આધારે એટીએસે દરોડા પાડીને ફેકટરી પકડી પાડી છે.. પોલીસે એફએસએલની ટીમને પણ સાથે રાખી હતી. એટીએસ પોલીસે હાલ ડ્રગ્સ બનાવવામાં વપરાતું મટીરિયલ અને કેમિકલ જપ્ત કર્યા છે અને તપાસ માટે એફએસએલને સોંપી દેવામાં આવ્યા છે. છેલ્લા ઘણા સમયથી આ ફેકટરી કાર્યરત હતી.
એટીએસને આ સિંધરોટ પર ડ્રગ્સ બનાવતી ફેકટરી કાર્યરત હોવાની બાતમી મળતા તેના પર વોચ રાખીને ગઇકાલે દરોડા પાડિને ફેકટરીને પકડી પાડી છે.પોલીસે હાલ આ મામલે ઉચ્ચ તપાસ હાથ ધી છે. આ નેટવર્ક ગુજરાતના ક્યા વિસ્તારમાં કાર્યરત છે તે અંગેની થપાસનો ધમધમાટ શરૂ કર્યો છે.
