એકનાથ શિંદેએ મહારાષ્ટ્રના મુખ્યમંત્રી તરીકે શપથ લીધાની સાથે જ રાજ્યમાં એક નવા યુગની શરૂઆત કરી છે. તેમણે સીએમ બનતાની સાથે જ પોતાના ટ્વિટર એકાઉન્ટની તસવીર બદલી નાખી છે. ટ્વિટર પરના નવા પ્રોફાઈલ પિક્ચરમાં તે બાળાસાહેબના ચરણોમાં જોવા મળે છે. આ નવી તસવીર સાથે શિંદેએ ઉદ્ધવ ઠાકરેને સંદેશ આપ્યો છે કે તેઓ બાળાસાહેબના વારસાને આગળ લઈ જશે. હવે ભવિષ્યમાં એ જોવાનું રસપ્રદ રહેશે કે શું તેમની પાસેથી ઉદ્ધવ ઠાકરેનો વારસો છીનવાશે?
આ પહેલા ગુરુવારનો આખો દિવસ મહારાષ્ટ્રના રાજકારણમાં મોટો બદલાવ લાવ્યો હતો. જ્યાં પહેલા માનવામાં આવતું હતું કે દેવેન્દ્ર ફડણવીસ સીએમ અને એકનાથ શિંદે ડેપ્યુટી સીએમ હશે. પરંતુ માસ્ટરસ્ટ્રોક રમતા ભાજપે મહારાષ્ટ્રની કમાન એકનાથ શિંદેને સોંપી દીધી અને હવે શિંદેના નેતૃત્વમાં દેવેન્દ્ર ફડણવીસ ડેપ્યુટી સીએમનું પદ સંભાળશે.
મહારાષ્ટ્રમાં હિન્દુત્વની નવી સ્ક્રિપ્ટ લખીને ભાજપે ઉદ્ધવ ઠાકરેને મોટો સંદેશ આપ્યો છે. એકનાથ શિંદે રાજ્યના નવા સીએમ બન્યા છે. શિંદેએ પણ પોતાને સાચા શિવસૈનિક ગણાવીને બાળાસાહેબના વારસાને આગળ ધપાવવાની વાત કરી છે. એટલું જ નહીં શિંદેએ ટ્વીટર ડીપી બદલીને ઉદ્ધવ ઠાકરેને સીધો પડકાર આપ્યો છે.
એકનાથ શિંદેએ મુખ્યમંત્રી તરીકે શપથ લેતાની સાથે જ ટ્વિટર પર પોતાનો પ્રોફાઈલ પિક્ચર બદલી નાખ્યો હતો. તેણે પોતાના નવા પ્રોફાઈલ પિક્ચરમાં બાળાસાહેબ સાથેની તસવીર મૂકી છે. ફોટોમાં શિંદે બાળાસાહેબના પગ પાસે બેઠા છે. આ તસવીર સાથે શિંદેએ ઉદ્ધવને શિવસેના પ્રમુખ પદ માટે પડકાર ફેંક્યો છે. ઉદ્ધવ ઠાકરેને શિવસેના પ્રમુખ પદ છીનવી લેવાનો પણ ખતરો છે. શિંદે પહેલેથી જ સ્પષ્ટ કરી ચૂક્યા છે કે શિવસેનાના બે તૃતીયાંશ ધારાસભ્યો તેમના સમર્થનમાં છે. એટલા માટે તે જ સાચા શિવસૈનિક છે.
