New Delhi News ; ચૂંટણી પંચની ટીમે દિલ્હીના ઓખલા ઈન્ડસ્ટ્રીયલ વિસ્તારમાં એક BMW કારમાંથી 2 કરોડ રૂપિયા રોકડા જપ્ત કર્યા છે. પોલીસે કારમાં બેઠેલા બે લોકોની અટકાયત કરી પૈસા કબજે કર્યા છે. આવકવેરા વિભાગના અધિકારીઓ અને એસડીએમ સ્થળ પર હાજર છે.
ચૂંટણી પંચની ટીમે દિલ્હીના ઓખલા ઈન્ડસ્ટ્રીયલ એરિયા વિસ્તારમાં એક BMW કારમાંથી 2 કરોડ રૂપિયા રોકડા જપ્ત કર્યા છે. પોલીસે કારમાં બેઠેલા બે લોકોની અટકાયત કરી પૈસા કબજે કર્યા છે. આવકવેરા વિભાગના અધિકારીઓ અને એસડીએમ સ્થળ પર હાજર છે. લોકસભા ચૂંટણીના બે તબક્કાનું મતદાન પૂર્ણ થઈ ગયું છે. બે તબક્કામાં 190 બેઠકો પર મતદાન થયું છે. ત્રીજા તબક્કાની ચૂંટણી 7 મેના રોજ યોજાશે, જેમાં 94 લોકસભા બેઠકો પર મતદાન થશે.
ચૂંટણી દરમિયાન ચૂંટણી પંચની ટીમ સતત દરોડા પાડી રહી છે. દેશના અલગ-અલગ વિસ્તારોમાંથી પૈસા અને દારૂ જપ્ત કરવામાં આવી રહ્યો છે. આ વખતે દેશભરમાં 7 તબક્કામા ચૂંટણી યોજાઈ રહી છે. પરિણામ 4 જૂન 2024 ના રોજ જાહેર કરવામાં આવશે. આ લોકસભા ચૂંટણી 44 દિવસ સુધી ચાલશે.
રાજધાની દિલ્હીની 7 બેઠકો માટે એક જ તબક્કામાં મતદાન થવાનું છે, જે છઠ્ઠા તબક્કામાં (25 મે) યોજાશે, જેમાં ચાંદની ચોક, ઉત્તર પૂર્વ દિલ્હી, દિલ્હી પૂર્વ, નવી દિલ્હીનો સમાવેશ થશે. દિલ્હી, ઉત્તર પશ્ચિમ દિલ્હી, પશ્ચિમ દિલ્હી અને દક્ષિણ દિલ્હીની બેઠકોનો સમાવેશ થાય છે.
પ્રથમ તબક્કામાં 19 એપ્રિલે 21 રાજ્યોની 102 બેઠકો પર મતદાન થયું હતું. બીજા તબક્કામાં 26 એપ્રિલે 12 રાજ્યોની 88 બેઠકો પર મતદાન થયું હતું. ત્રીજા તબક્કામાં 7 મેના રોજ 13 રાજ્યોની 94 બેઠકો પર મતદાન થશે. તો ચોથા તબક્કામાં 13 મેના રોજ 10 રાજ્યોની 96 બેઠકો પર મતદાન થવાનું છે.
પાંચમા તબક્કાની વાત કરીએ તો, આ તબક્કામાં 8 રાજ્યોની 49 બેઠકો પર 20મી મેના રોજ મતદાન થશે, જ્યારે 6ઠ્ઠા તબક્કામાં 7 રાજ્યોની 57 બેઠકો પર 25મી મેના રોજ મતદાન થશે. 7માં તબક્કામાં 1 જૂને 8 રાજ્યોની 57 સીટો પર મતદાન થશે. પરિણામ 4 જૂન, 2024ના રોજ આવશે. લોકસભાનો કાર્યકાળ 16 જૂન 2024ના રોજ સમાપ્ત થઈ રહ્યો છે.
આ પણ વાંચો:પીએમ મોદીની આજે દરભંગામાં રેલી, ઝારખંડના પલામુ અને લોહરદગામાં પણ ચૂંટણી સભાને સંબોધસે
આ પણ વાંચો:ચૂંટણીના દરેક તબક્કા પછી મતદાનની ટકાવારીના આંકડા સમયસર જાહેર કરવા મહત્વપૂર્ણ છે: ચૂંટણી પંચ
આ પણ વાંચો:ઈન્દોરમાં એકતરફી ચૂંટણીમાં મતદાન વધવાના ડરથી કોંગ્રેસે બેઠક બોલાવી
