ચૂંટણી રણનીતિકાર પ્રશાંત કિશોરે દેશની સૌથી જૂની પાર્ટી કોંગ્રેસને સલાહ આપી છે. “કોંગ્રેસને જીતવા માટે પાર્ટીમાં કેટલાક ફેરફારો લાવવાની જરૂર છે,” તેમણે કહ્યું.આ સાથે તેમણે વર્ષ 2024માં ભાજપને હરાવવાની ફોર્મ્યુલા પણ શેર કરી હતી. તેમણે કહ્યું, “કોંગ્રેસે જે રીતે પોતાની જાતને એક પક્ષ તરીકે રચી છે, પાર્ટીમાં અનેક ફેરફાર કરવાની જરૂરિયાત છે. જો આલુ નહી કરે તો પરિણામ ભોગવવામ પડશે. પ્રશાંત કિશોરે કહ્યું કે હું એ નથી કહીશ કે પાર્ટીનો અધ્યક્ષ કોણ હોવો જોઈએ પરંતુ તે માત્ર પાર્ટીઓને ભેગા કરીને ભાજપને જીતી શકે નહીં. તેમણે કહ્યું કે પાર્ટીએ સમજવું પડશે કે સમગ્ર વિરોધનો અર્થ કોંગ્રેસ નથી. આપણા દેશમાં બીજી ઘણી પાર્ટીઓ છે. કોંગ્રેસે સાથે મળીને નક્કી કરવું જોઈએ કે કોને પાર્ટીનો અધ્યક્ષ બનાવવો જોઈએ.
પ્રશાંતે કહ્યું કે પાર્ટી તરીકે કોંગ્રેસનો ગ્રાફ નોંધપાત્ર રીતે નીચે ગયો છે. સૌપ્રથમ તો કોંગ્રેસે નિર્ણય લેવાની રીત બદલવાની જરૂર છે. નિર્ણયના મુદ્દા ઉપરાંત, પાર્ટીએ ઝડપી નિર્ણય લેવા, સ્થાનિક નેતાઓને સશક્ત બનાવવા પર પણ કામ કરવું પડશે. વધુમાં, કોંગ્રેસે તમામ નિર્ણય લેવાની શક્તિઓનું કેન્દ્રીકરણ ન કરવું જોઈએ. અન્ય નેતાઓને પણ નિર્ણય લેવાની શક્તિ આપવી જોઈએ. પ્રશાંતે કહ્યું કે કોંગ્રેસે આગળ જીતવા માટે પોતાનામાં ઘણા બદલાવ લાવવાની જરૂર છે. આ માટે તમારે પ્રશાંત કિશોર કે અન્ય કોઈની સલાહની જરૂર નથી. તમે જેને પસંદ કરો છો તે પૂર્ણ સમયનો પ્રમુખ હોવો જોઈએ.
