જે લોકો ફાસ્ટેગનો ઉપયોગ ટોલ ચૂકવવા માટે કરે છે તેમના માટે આ ખૂબ જ મહત્વપૂર્ણ સમાચાર છે. જો તમારા ફાસ્ટેગનું કેવાયસી અધૂરું છે, તો તે 31 જાન્યુઆરી પછી નિષ્ક્રિય થઈ જશે. નેશનલ હાઈવે ઓથોરિટી ઓફ ઈન્ડિયાએ સોમવારે જણાવ્યું હતું કે વન વ્હીકલ વન ફાસ્ટેગના અભિયાન હેઠળ ફાસ્ટેગના વધુ સારા અનુભવને પ્રોત્સાહન આપવા માટે આ નિર્ણય લેવામાં આવ્યો છે. તેમણે કહ્યું કે જે ફાસ્ટેગની KYC 31 જાન્યુઆરી સુધીમાં પૂર્ણ નહીં થાય તેમને બ્લેકલિસ્ટ અથવા નિષ્ક્રિય કરવામાં આવશે. સિંગલ ફાસ્ટેગને પ્રોત્સાહન આપવા માટે, NHAIએ કહ્યું કે એક જ વાહન પર એકથી વધુ ફાસ્ટેગ ધરાવતા લોકોના ખાતાને બ્લેકલિસ્ટ કરવામાં આવશે. ફાસ્ટેગનું કેવાયસી 31 જાન્યુઆરી સુધી ફરજિયાત કરવામાં આવ્યું છે. જેની અંતિમ તારીખ 31 જાન્યુઆરી 2024 રાખવામાં આવી છે. ફાસ્ટેગ નિષ્ક્રિય હોવાનો અર્થ ખિસ્સા પર બમણો બોજ છે. જો તમે રોકડમાં ટોલ ટેક્સ ચૂકવો છો, તો તમારે બમણો ટેક્સ ચૂકવવો પડશે.
KYC જરૂરી છે
શું તમારા ફાસ્ટેગનું કેવાયસી પૂર્ણ થયું છે? જો નહિં, તો કોઈપણ વિલંબ કર્યા વિના તેને પૂર્ણ કરો. આવું ન કરવાથી તમારા ખિસ્સા પર બોજ વધશે. જો તમે તમારા ફાસ્ટેગનું કેવાયસી પૂર્ણ નહીં કરો તો તમારું ફાસ્ટેગ નિષ્ક્રિય થઈ જશે. એટલું જ નહીં, તમારે ડબલ ટોલ ટેક્સ પણ ભરવો પડશે. NHAI એ તમામ ફાસ્ટેગ ધારકોને KYC પૂર્ણ કરવાની સૂચના આપી છે. NHAIએ વન વ્હીકલ વન ફાસ્ટેગ યોજનાને 31 જાન્યુઆરી સુધીમાં લાગુ કરવાની સમયમર્યાદા પણ નક્કી કરી છે. જો આમ કરવામાં નહીં આવે, તો ફાસ્ટેગ નિષ્ક્રિય અથવા બ્લેકલિસ્ટ કરવામાં આવશે.
એવા ઘણા લોકો છે જે એક વાહન પર એક કરતા વધુ ફાસ્ટેગનો ઉપયોગ કરે છે. NHAIએ તેને ખોટું જાહેર કર્યું છે અને તેને તાત્કાલિક બદલવા માટે કહ્યું છે. દરેક વાહન માટે ફાસ્ટેગ લેવાનું રહેશે. NHAIએ કહ્યું કે RBIની ગાઈડલાઈન હેઠળ KYC વગરના ફાસ્ટેગને નિષ્ક્રિય કરવામાં આવશે. નોંધનીય છે કે ફાસ્ટેગની પહોંચ 98 ટકા સુધી પહોંચી ગઈ છે. હાલમાં 8 કરોડથી વધુ લોકો તેનો ઉપયોગ કરી રહ્યા છે.
આ પણ વાંચો:MUKESH AMBANI/શ્રીલંકાની સરકારી પેઢી પર મુકેશ અંબાણીની નજર, ખરીદવાની રેસમાં આ કંપનીઓ સાથે હરીફાઈ!
આ પણ વાંચો:ram mandir/અયોધ્યામાં રામ મંદિરથી આ 5 કંપનીઓને થશે ફાયદો, શેરમાં જોવા મળી રહ્યો છે ઉછાળો
આ પણ વાંચો:Budget 2024/બજેટ સાથે જોડાયેલી 7 ખૂબ જ રસપ્રદ બાબતો, જાણો કેવી રીતે માહિતીને ગુપ્ત રાખે છે સરકાર
