Ahmedabad News : અમદાવાદમાં વિદ્યાર્થીઓની સુરક્ષા સુનિશ્ચિત કરવા માટે અમદાવાદ ફાયર એન્ડ ઇમરજન્સી સર્વિસિસ (AFES) દ્વારા શહેરભરના કોચિંગ ક્લાસ (Coaching Classes), ટ્યુશન સેન્ટર અને શૈક્ષણિક સંસ્થાઓમાં વિશેષ ફાયર સેફ્ટી (Fire Safety)ચેકિંગ ઝુંબેશ હાથ ધરવામાં આવી હતી. આ ઝુંબેશ દરમિયાન અનેક જાણીતી સંસ્થાઓમાં અગ્નિ સલામતી સંબંધિત ખામીઓ સામે આવતાં કુલ 17 સંસ્થાઓને નોટિસ ફટકારવામાં આવી છે, જ્યારે એક સંસ્થાને સીલ કરવાની કાર્યવાહી કરવામાં આવી છે.
23 જૂન 2026ના રોજ ઉત્તર-પશ્ચિમ ઝોનમાં આવેલા વિવિધ ફાયર સ્ટેશનોની ટીમોએ કોચિંગ ક્લાસ અને શિક્ષણ કેન્દ્રોમાં નિરીક્ષણ કર્યું હતું. તપાસ દરમિયાન અગ્નિશામક સાધનો, ઇમરજન્સી એક્ઝિટ, પ્રવેશ અને બહાર નીકળવાના માર્ગો, ઇલેક્ટ્રિકલ સેફ્ટી સહિતની મૂળભૂત સલામતી વ્યવસ્થાઓનું મૂલ્યાંકન કરવામાં આવ્યું હતું.
ફાયર સેફ્ટીના નિયમોમાં ખામીઓ બદલ નોટિસ પાઠવવામાં આવી
જી-ટેક કમ્પ્યૂટર એજુકેશન
દ્વારકેશ એજ્યુકેશન ઇન્સ્ટિચુટ
યથાશક્તિ શિક્ષણ સંસ્થા
આયતન એકેડેમી
પીએમ ભટ્ટ ટ્યુશન ક્લાસીસ
સિગ્મા નોવો ક્લાસેસ
ફ્યુચર પાથ એજ્યુકેશન
અહુજા એજુકેશન
જેકે શાહ કોચિંગ ઇન્સ્ટિટ્યૂટ, નવરંગપુરા
રાજશ્રી સ્ટડી સેન્ટર, નારણપુરા
એલન કેરિયર ઈન્સ્ટીટ્યુટ, સિંધુભવન રોડ, થલતેજ
આકાશ શૈક્ષણિક સેવાઓ, થલતેજ
યુનાકેડેમી, લેડી લેક પાસે, થલતેજ
અમોર ડિઝાઇન ઇન્સ્ટિટ્યૂટ, વસ્ત્રાપુર
યશ ક્લાસીસ, માનસી ક્રોસ રોડ
પરેશ જે. સલુટ ક્લાસીસ, બીજો માળ, સમાન કોમ્પ્લેક્સ, માનસી ક્રોસ રોડ
અલોહા ક્લાસીસ, બીજો માળ, સમાન કોમ્પ્લેક્સ, માનસી ક્રોસ રોડ
નિરીક્ષણ દરમિયાન નવકાર ડિજિટલ ઇન્સ્ટિટ્યૂટનું ફાયર સેફ્ટી (Fire Safety)સર્ટિફિકેટ સમયમર્યાદા પૂર્ણ થઈ ગયેલું હોવાનું સામે આવ્યું હતું. જેના આધારે ફાયર વિભાગે નિયમો મુજબ સંસ્થાને સીલ કરી દીધી હતી.
AFES દ્વારા તમામ શૈક્ષણિક સંસ્થાઓના સંચાલકોને વિદ્યાર્થીઓ અને સ્ટાફની સલામતી માટે જરૂરી ફાયર સેફ્ટી (Fire Safety)સાધનો અને વ્યવસ્થાઓ ઉપલબ્ધ રાખવા અપીલ કરવામાં આવી છે. વિભાગે ચેતવણી આપી છે કે ભવિષ્યમાં પણ ફાયર સેફ્ટીના નિયમોનું ઉલ્લંઘન કરતી સંસ્થાઓ સામે કડક કાર્યવાહી ચાલુ રહેશે.
